నా అలోచనలు చదవండి

కధ: విధి - 2

2012-02-14T01:31:00.002+05:30

సంతోష్ అలా సుకన్య గురించి ఆలోచిస్తూ ఫోన్ చేస్తూ కంగారు పడుతూ వుండగా ముందు ట్రాఫిక్ మన్ను తిన్న పాము లాగా మెల్లగా కదలసాగింది. సంతోష్ తొందరగా ఇంటికి వెళ్ళటానికి దొరికిన ఏ కొంచెం ఖాళీ వదలట్లేదు. అతనికి టెన్షన్ వల్ల బాగా చెమటలు పట్టేసాయి. ఇంకా తట్టుకోలేక హెల్మెట్ తీసి బండి నడుపుతున్నాడు.

అతను అలా కష్టపడుతూ మొత్తానికి వాళ్ళ ఇంటికి వెళ్ళే డొంక రోడ్డు లోకి వచ్చేసాడు. అప్పటికే గంట అయ్యింది సుకన్య నించి కాల్ వచ్చి. ఎప్పుడు ఆ రోడ్ లో 40 దాటని సంతోష్ 90 లో వెళ్తున్నాడు. దూరంగా కనిపిస్తున్న ఇంటివైపు చూస్తూ బండి నడుపుతున్నాడు.
***********************************************************************

భర్త ఇంటికి రాలేదు ఇంట్లో కరెంటు పోయింది. ఎంత వెదికిన కొవ్వొత్తులు కనిపించలేదు. ఇంకా చీకటిలో వుండటం ఎందుకు అని కొంచెం దూరం లో ఉన్న పిన్నిగారి ఇంటికి వెళ్లి కొవ్వొత్తి తెచ్చుకుందాం అని సుకన్య అనుకుంది. కానీ తనతో పాటుగా ఫోను తీసుకెళ్లటం మర్చిపోయింది. పిన్ని గారి ఇంటికి వెళ్లి ఒక పది నిముషాలలో

వచ్చేద్దాం అనుకుంది సుకన్య కానీ పిన్నిగారు కబుర్లు చెప్తూ కూర్చోబెట్టేసారు.

"సంతోష్ వచ్చేసి ఉంటాడు. ఇంకా నేను వెళ్ళాక నామీద వీరంగం వేస్తాడు." అని మనసులో అనుకుంటూ "అవునా పిన్నిగారు..అలా జరిగిందా?" అని ఏమి చెప్తోందో వినకుండా ఎటో ఆలోచిస్తోంది సుకన్య. నిన్ననే ఇద్దరికీ గొడవ అయ్యింది. ఈ రోజు అతనికి నచ్చినవి అన్ని చేసిపెట్టింది. అతనికి బాగా ఇష్టమయిన చీర కట్టుకొని ఎదురు చూస్తోంది. అదే చెప్దాం అని ఒక గంట ముందు ఫోన్ చేసింది కానీ సంతోష్ ఎత్తలేదు. "అయితే బయలదేరిపోయారు " అని కంగారుగా మిగతా సింగారం చేసుకుంటుండగా కరంటు పోయింది ఇంకా కొవ్వొత్తి కోసం వచ్చి పిన్నిగారికి దొరికిపోయింది.

"బాబా సాయిబాబా....బాబా సాయిబాబా...నీవు మావలె మనిషివని..." అంటూ పిన్ని గారి ఫోన్ మోగుతోంది. "ఆ చెప్పండి...అవునా సరే అయితే" అని పెట్టేసింది పిన్నిగారు. "మీ బాబాయ్ ఫోన్ అమ్మాయి రావటానికి ఇంకో

20 నిముషాలు పడతాయి అంట. ఇంకా అన్నం వండలేదు" అని ఏదో చెప్పబోయింది. "సరే పిన్ని గారు అయితే ఇంకా నేను వెళ్తాను. ఆయన కూడా వస్తూ వుంటారు. ఇంట్లో పని వుంది" అని బయల్దేరింది సుకన్య.

సంతోష్ ఇంటికి వచ్చేసి ఉంటాడు పాపం గేటు బయట కూర్చుని ఉంటాడు అని కంగారుగా నడుస్తోంది సుకన్య. ఆ కంగారులో మలుపు కి అటు వైపు వస్తున్న బండిని చూడలేదు. కొంచెం దగ్గరగా వచ్చాక చూసింది కానీ అప్పటికే చాలా ఆలస్యం అయ్యింది ....

*****************************************************

"పాపం పెళ్ళాం ఫోన్ ఎత్తలేదు అని కంగారు పడి స్పీడ్ గా వస్తూ చీకట్లో ఆ పిల్లనే గుద్దేసాడు. పక్కన కొండ రాళ్ళకు తల తగలటం వల్ల ఇద్దరు చచ్చిపోయారు" అంటూ చుట్టూ గుమ్మిగూడున్న జనాలలో ఒకడు అనటం గాలిలోకి తన భార్య తో పాటు వెళ్తున్న సంతోష్ ఆత్మ విని కన్నీరు కారుస్తోంది, పక్కన ఉన్న సుకన్య ఆత్మ ఇంకా ఆ షాక్ నించి తెరుకోనట్టు సూటిగా సంతోష్ నిర్జీవ దేహాన్ని చూస్తూ వుంది. మెల్లగా రెండు ఆత్మలు అలా మేఘాలలో కలిసి పోయాయి.

(అయిపొయింది)

కధ: విధి - 1

2012-02-09T17:01:00.001+05:30

"నేను నువ్వంటూ వేరే వున్నా నాకివేళ నాలో నువ్వునట్టుగా ....." అంటూ మోగుతోంది సంతోష్ ఫోన్. ఆ కాల్ తన భార్య సుకన్యనించి వచ్చింది.తనకొక్కదానికే ఆ టోన్ వస్తుంది. ఇంకో

10 కిలోమీటర్ల ప్రయాణం చేస్తే ఇల్లు వచ్చేస్తుంది. బండి వేగం ఇంకా కొంచెం పెంచాడు సంతోష్.

మామూలుగా వేరే ఎవరైనా కాల్ చేస్తే డ్రైవ్ చేస్తూ మాట్లాడతాడు కాని సుకన్య అలా మాట్లాడితే తిడుతుంది అందుకే తన కాల్ పట్టించుకోకుండా వదిలేసాడు. ఇంకో పది నిముషాలలో ఎలాగన్నా ఇంటికి వెళ్లిపోవాలి అనుకుంటూ వేగం పెంచుతూ పోతున్నాడు. ఇంతలో దూరంగా ట్రాఫిక్ జాం కనిపించింది. తను ఇంటికి త్వరగా వెళ్ళాలి అన్న ఉత్సాహం అంతా నీరుగారిపోయింది. ఇంకో గంటకి వెళ్తే గొప్ప అనుకుంటూ ఆగివున్న బస్సువెనక తన పల్సర్ ఆపి ఇంటికి కాల్ చేసాడు.అటు నించి సమాదానం లేదు. ఏదో పని లో వుంది వుంటుంది అని మళ్లీ చేసాడు మళ్లీ సమాధానం లేదు. సరేలే ఒక 10 నిముషాలు ఆగి చేద్దాం అని బండి మీద అలా కూర్చుండి పోయాడు. సెల్లులో సమయం చేస్తే అప్పటికే రాత్రి 10 అయ్యింది.

బండి మీద చాలా అసహనం గా వున్నాడు సంతోష్ సుకన్య కి ఇప్పటికి 10 సార్లు కాల్ చేసాడు కాని ఆమె నించి జవాబు లేదు. మనసు ఏదో కీడు శంకిస్తోంది. ఎంత మంది చెప్పిన వినకుండా ఈ నిర్మానుష్యమైన చోట ఇల్లు
తీసుకున్నందుకు తనని తానూ బాగా నిందించుకుంటూ అసలు ట్రాఫిక్ ఎందుకు ఆగింది చూద్దాం అని ముందుకు వెళ్లి చూసాడు. చాలా దూరం నించి వాహనాలు ఆగి వున్నాయి. ఈ లోపు అటు వైపు నించి ఒక అంబులన్సు సైరను వేసుకుంటూ వెళ్తోంది. ఆ అంబులన్సు వెనకపడి వచ్చిన కొన్ని వాహనాలలో ఒకటి సంతోష్ ఉన్న చోట ఆగిపోయింది.
"బాస్, ఏమైంది ముందర??" అడిగాడు సంతోష్

"ఎవరో ఒక లేడి ని బస్సు గుద్దింది అంట...ఫోన్ మాట్లాడుతూ రోడ్ చూడకుండా రోడ్ దాటబోయింది బస్సు గుద్దేసింది..బాగా దెబ్బలు తగిలాయి.. ఈ బస్సు వెనక వున్నా లారీ సడన్ బ్రేకు వేసే సరికి బోల్తా పడింది...రోడ్ అంతా బ్లాక్ అయ్యింది...ఇంకా మీరు వెళ్ళటానికి ఇంకో గంటన్నా పడుతుంది" అని చెప్పి బండి స్టార్ట్ చేసుకొని వెళ్ళిపోయాడు అతను.

"లేడి" "ఫోను" అనే సరికి సంతోష్ భయం ఇంకా పెరిగిపోయింది. ఇంకో సారి సుకన్య కి కాల్ చేసాడు సమాధానం లేదు. చుట్టూ పక్కలకి ఫోన్ చేద్దాం అన్న వీళ్ల ఇంటికి దగ్గరగా ఇళ్ళు లేవు. అతనికి మనసులో చాలా ఆలోచనలే తిరుగుతున్నాయి. ఒక పక్కన ఏమి జరిగిందో అన్న భయం ఇంకో పక్కన ఏమి జరిగివుండదు లే అన్న ఆశ మెదులుతున్నాయి.

...ముగింపు త్వరలో

సహాయం కోసం విన్నపం

2012-01-11T15:52:00.002+05:30

నా మిత్రుడు నాకు పంపిన ఈ-మెయిల్ ఇక్కడ పొందుపరుస్తున్నాను. పాపం ఆ తండ్రికి సాద్యమైనంత సహాయం చేస్తారు అని ఆశిస్తున్నాను.

Hi All,

A 11 year old kid who is by birth deaf and dumb, has got an oppurtunity to become like us.After some tests the doctors have given hope for the kid and his family, that he would both listen and will be able to speak only if he gets operated.The cost of operation and medicines is 10 lacs and it is on 12th Jan 2012 in Visakhapatnam.

The kids family is very poor and his Dad is a local school teacher. His father was able to arrange 6 lacs and still in need of rest of the amount.

So if we can help the kid and contribute some amount even if its 50 or 100.. it will be very helpful for the kids operation and medication.

Remember “Small Drops Make A Mighty Ocean".

So even a small contribution by each person will result in a huge amount. Sincere request to come forward and make some contribution towards the kid.

Below is the contact no of the kid's father:-

Father name :- M. BalaKrishna

Contact No:- 9293219768

You can transfer it to my account or to the kids father account. If you transfer to my account i will directly give to kids father. Below are the account details of the kids father and my account details:

Kids Father Bank Account Details:-

Account No:- 31403036008

Name:- Balakrishna Metta

IFSC Code:- 2716

Bank :- State Bank of India

Branch:- Gajuwaka Branch

My Account Details:-

Account No:- 055801538691

Name:- Vamsi Krishna Batchu

Branch:- ICICI Infosys Mysore

Please mention your Employee id in the Transaction remarks.

Please don’t reply all. If possible forward the above mail to your friends who are willing to help.

Thanks in Advance,

Vamsi Krishna Batchu

ఈ వార్త పూర్తిగా దృవీకరించబడినది. మీకు తోచినంత దానం చేసి ఆ తండ్రికి సహకరిస్తారు అని ఆశిస్తూ.

-మీ నేస్తం

నీ దూకుడు--పేరడీ

2011-11-10T13:25:00.000+05:30

నీ గోకుడు...సాటేవ్వడు

హే పరపరమంటూ ఎదురుగా ఎగబడుతూ గోకి

నఖలని ధనా ధనా దించే...ఏ... జొరే....

హమేషా గరగర అంటూ

కలయపడి కలకలమే రేపే

బినా ఏ భళా బురా సోచే...

కామన్ ఎవేరీబడి లెట్స్ గీక్ గీక్ గీక్

నీ గోకుడు

వనావే..వనావే..వనావే...వనావే..

సాటేవ్వడు

వనావే..వనావే..వనావే...వనావే..

దురద జాడ తెలియగనే దుమ్ముదులుపు తక్షణమే

పనికి రాదు కనికరమే గోకుకొనుట అవసరమే

వదలనురా దురదలనే ప్రళయ వీర క్షణ క్షణమే

దురదకి బై ఇక చలో ఇక చక చక

ఎడతెగ చెయ్ ఇక గోకుడు తై తక

నఖములనే...కత్తులుగా...తలబడునే.....

కం అగైన్ థిస్ ఇస్ వాట్ వి కాల్ గోకుడు

ఎవేరీ బడి స్టాండ్ అలోంగ్ సే గోకుడు

నీ గోకుడు .....నీ గోకుడు ...గోకుడు గోకుడు

సాటేవ్వడు...సాటేవ్వడు...ఎవ్వడు...ఎవ్వడు

గీత పడుట దురద గుణగణమే
చేవగల గోళ్ళు కణకణమే
దురదకి దడ పుట్టించటమే
నేటి మన అభినవ మతమే
దురదనే ఎరుగని అధిపతినే
పాదరస ఒరవడి నరనరమే...

దురద రాదే ఎన్నటికే
హొష్ ఉడాయే దురదలకే
సమరమే సై ఇక చలా ఇక చక చక
ఎడతెగ చెయ్ ఇక గోకుడు తై తక

చొరబడుతూ...గురి పెడుతూ...కలబడుతూ.....
తానానా తనానా నానన.......
హే హే హే హే హే హే ....
హే బచ్కే తు జర కుజిలి హోరా హాయ్ క్యా
కమాల్ హాయ్ ఇక్ కమాల్ హాయ్ ఈ గోకుడు
జుకే నహి రుకే నహి ఈ గోకుడు

హే పరపరమంటూ ఎదురుగా ఎగబడుతూ గోకి

నఖలని ధనా ధనా దించే...ఏ... జొరే....

నీ గోకుడు .....నీ గోకుడు ...గోకుడు గోకుడు

సాటేవ్వడు...సాటేవ్వడు...ఎవ్వడు...ఎవ్వడు

గమనిక: ఇది ఎవరిని కించపరచటానికి కాదు...:)

---మీ నేస్తం

పేరడి:సదా శివ సన్యాసి

2011-08-22T17:04:00.002+05:30

ప్రతి బిల్డ్ కి కొత్త బగ్గులు వస్తుంటే కడుపు మండిన ఒక టెస్టర్ పాడుకుంటున్న పాట:

(ఖలేజా లో "సదా శివ సన్యాసి...పాటను గుర్తుతెచ్చుకోండి)

సదా శివ సన్యాసి మా డెవలపర్ సన్నాసి

వాడి బగ్గులు చూసి పొంగినాయి నా కళ్ళు వాచీ

ఏ బటను క్లిక్కు కాదుగా

డ్రాపు డవును లిస్టే రాదుగా

చూడ చెత్తగా ఉంటాదిరా

వేసేయ్ రా ఊరు వాడా దండోరా !!

ఏ స్టయిలుల ఏ స్క్రిప్టుల పొడ లేదురా

ఏడు ఏళ్ళ అనుభవం వుందిరా

నాలుగు లైన్ల కోడులో నలభై బగ్గులే వచ్చురా

వర్డ్ చించి నువ్వు చెప్పిన వీడి కోడు బాగుపడదురా...

మేధావిలా ఓ జ్ఞానిలా ఉంటాడు ఏం లీలా

నాకు వీడు నైటుమేరు వీడి పీడా నాకు పొదూ

నన్ను పట్టిన శని వీడు వేరే ప్రాజెక్ట్కి పోనే పోడు

ఓ మై గాడ్ వాట్ షుడ్ ఐ డు

ఎందుకీ సమ్మె/బంద్/రాస్తా రోకో/ రైల్ రోకో??

2011-08-08T20:20:00.000+05:30

ఒక హైదరాబాదీ గా నాకు కనీసం నెలకి ఒక రోజు పైన మాట్లల్లో ఏదో ఒకటి వినిపిస్తుంది..నేను ఉండే చోట దేని ప్రభావం ఎక్కువ ఉండదు కనుక వీటి వలన నాకు వచ్చిన నష్టం ఏమి లేదు. కాని దీని ప్రభావం కొన్ని వర్గాల ప్రజల మీద భారీగా పడుతోంది. ఆ వర్గం పేరే బడుగు బలహీన మరియు మధ్య తరగతి వర్గం.

ఈ వర్గం ప్రజలు రోజు పని చేస్తే కాని వాళ్ళ ఇంటిలో పొయ్యి వెలగదు. పని కి పోకపోతే పస్తే చాలా కుటుంబాలకి. మన నాయకులు రాష్ట్రము విదిపోవాలనో లేక కలిసేవుండాలనో ప్రభుత్వం మీద వత్తిడి తేవటానికి ఈ ఉద్యమాలు చేద్దాం అని చెప్తారు. మరి ఉద్యమం చేసాక ఒరిగిందేంటి అని చెప్పారు మళ్ళి అదే సమస్యకి ఇంకో సరి వేరే ఉద్యమం అంటారు. దీని వల్ల ప్రభుత్వం మీద వత్తిడి పడిందో లేదో తెలియదు కానీ సామాన్యుడు మాత్రం నరక యాతన పడుతున్నాడు. బంద్ పిలుపు వస్తే ఆ రోజు పస్తే చాలా కుటుంబాలకి...ఇంకొన్ని కుటుంబాలకి బంద్ వల్ల లబ్ది పొందాలి అని అనుకునే వ్యాపారస్తులవల్ల కష్టాలు...బంద్ రోజున ఆటో మేటరు మీద నడపారు నోట్లమీద నడుపుతారు అర్ధం కాలేదా వాడి నోటికి వచ్చిన రేటు చెప్తాడు...బంద్ కాబట్టి చాలా తక్కువ ఆటోలు నడుస్తాయి...ఇంకా వాడు అడిగినంత ఇవ్వటమో లేక ఇంకో దారేదన్నా చూసుకోవతమో చేయాలి. ఇంకా కూరగాయలు, నిత్యావసర సామానుల ధరలు కూడా పెరుగుతాయి కాని అప్పుడు ఒక రోజు కాదు ఒక రెండు మూడు రోజులు వుండాలి ఉద్యమం.

ఈ ఉద్యమాల వలన సామాన్యులకి భవిష్యత్తులో వచ్చే లాభం ఎంతో ఆ భగవంతునికే తెలియాలి కాని ఇప్పుడు మాత్రం జనం నరకయాతన పడుతున్నారు. ప్రజల కోసం చేస్తున్నాం అని చెప్తున్న ఉద్యమం వల్ల అదే ప్రజలకి కష్టం కలుగుతోంది కాని ఉద్యమనాయకులకి గాని ప్రభుత్వానికి కాని అంతగా కష్టం కలగట్లేదనే చెప్పాలి. ఇంక ఈ ఉద్యమానికి విద్యార్దులని వాడుకొని ఇరు వర్గాల వాళ్ళు చాలా జీవితాలని నాశనం చేస్తున్నారు. వాళ్ల భవిష్యత్తు బాగు చేయమనే కదా ఈ నాయకులని ఎన్నుకుంది వల్లనే ఉద్యమ బాటలో నడిపి వాళ్ల చదువు నాశనం చేసి ఈ నాయకులూ ఇప్పటి సాదించింది ఏంటి? వాళ్ళ భవిష్యత్తుకి నిజంగానే బంగారు బాట వేస్తారా?? అన్న అంశాలు పక్కన పెడితే వాళ్ళని రెచ్చగొట్టటం మంచి విషయం కాదు.

ఉద్యమాలు వేరైనా నాయకుల వంచన ఒకటే..చివరికి వాళ్ళు అందరు ఒకటైపోతారు బలయ్యేది సామాన్య ప్రజానీకమే...లగడపాటి మీద కేసు వుండదు...కే. సి. ఆర్ మీద కేసు వుండదు..కాని ఉద్యమం లో పాల్గున్న సామాన్యుల మీద కేసులు వుంటాయి వాటిని వదిలించుకోవటానికి మల్లి ఈ నాయకుల పంచనే ఉండాల్సిన పరిస్థితి వస్తుంది.

పైన చెప్పినవన్నీ కలిపి చూస్తే రెండు ఉద్యమాల వల్ల ఇప్పటి దాక సామాన్యులకి నష్టమే తప్ప లాభం లేదు...రాజకీయ నాయకుల కి లాభం తప్ప నష్టం రాలేదు..కాబట్టి ఉద్యమకారులు మీ నేతలని ప్రశ్నించండి...ప్రజలందరినీ ఎందుకు ఇబ్బంది పెట్టాలి రాష్ట్రము విభజన కైనా లేక సమైక్యం కైనా...ఇవ్వాల్సింది కేంద్ర రాష్ట్ర ప్రభుత్వాలు వాటి ప్రతినిధులు అలాంటప్పుడు వల్ల ప్రపంచం స్తంభింప చేస్తే వాళ్ళే పని చేస్తారు కదా??

విన్నపం: ఇది నాకున్న అనుమానాల వల్ల కలిగిన అభిప్రాయమే తప్ప...నాకు రెండు ఉద్యమాల వల్ల ఎటువంటి లాభం లేక నష్టం లేదు అలాగని రెండిటి మీద ఒక అభిప్రాయం కూడా లేదు..నా బాధల్లా చేయాల్సిన వాళ్ళని కట్టడి చేయకుండా సామాన్య ప్రజానీకాన్ని ఇబ్బంది పెట్టి, బయట వాళ్ళ ముందు రెండు ప్రాంతాలను చులకన చేస్తున్నారనే...ఎవరినైనా నొప్పించి ఉంటే క్షమించండి

కవిత: అందం

2011-07-20T16:43:00.000+05:30

ఒక ప్రియుడు తన ప్రియురాలుని పొగుడుతూ ఇలా అన్నాడట

సుతిమెత్తని నీ పాదాలు తెచ్చెను గజ్జెలకి అందం

సుమధురమైన నీ పలుకులు తెచ్చెను భాషకి అందం

సువర్ణభరితమైన నీ మోము తెచ్చెను అద్దానికి అందం

సుగుణాలభరితమైన నీతో బంధం తెచ్చెను నాకు ఆనందం

నా ఆలోచనలు: పెళ్లి

2011-06-29T15:44:00.000+05:30

"పెళ్లి అంటే నూరేళ్ళ పంట... ముట్టుకుంటే మంట... ఎందుకొచ్చిన తంట" వీటిలో ఏదో ఒకటి పెళ్లి కాని అమ్మాయి కాని అబ్బాయి కాని మనసులో అనుకునేదే. వాళ్ళు అలా అనుకోవటానికి వారి వారి కారణాలు చాలానే ఉంటాయి. ఇలాంటి పెళ్లి మీద నా ఆలోచనలు చెప్పాలి అని ఈ టపా:)

ఏదో సినిమా(తులసి అనుకుంట) లో వెంకటేష్ గుక్కతిప్పకుండా 2 నిముషాలు చెప్తాడు.పెళ్లి గురించి ఏడు నించి ఒకటి దాక అంకెలు వచ్చేటట్టు చెప్తాడు. నేను కూడా పెళ్లి గురించి అంతే క్లుప్తం గా చెప్పాలి అని అనిపించింది, కాని నాకు అంటే పెళ్లి కాకుండా ఇంట్లో వేరే వాళ్ళకి పెళ్లి పనులు చేసిన అనుభవం వున్న వాడికి కలిగే భావం ఏంటంటే పెళ్ళంటే " "ఏడు"(ఏడాది అని చదువుకోండి) కష్టపడి అమ్మాయి లేదా అబ్బాయి ని వెతికి "ఆరు" గంటల పాటు తంతు చేయించి "ఐదు" రకాలుగా(టీ,కాఫీ,నీళ్ళు,అల్పాహారం, భోజనం) అతిధులని సత్కరించి "నాలుగు" గోడల మధ్యన నాలుగొందల మందిని కోర్చోబెట్టి "మూడు" ముళ్ళు వేయించి "రెండు" కుటుంబాలని కలిపే "ఒక" రోజు" అంతే..

పెళ్లి జనాల కోసం కాని ఆ జంట కోసం కాదు. వాళ్ళ మధ్యన ప్రేమ ఎప్పుడు చిగురిస్తుందో నేను చెప్పలేను కాని పెళ్ళిలో నూటికి డబ్బై శాతం ప్రేమ పుట్టదు అని నా నమ్మకం. పెళ్ళికి ముందే ప్రేమలో పడితే వాళ్ళకి పెళ్లి చాలా ఆనందం గా వుంటుంది. పెళ్లి తర్వాత ప్రేమలో పడితే వాళ్ళకి పెళ్లి అంతే కంగారు,భయం, ఆనందం కలిపి మిక్సి లో వేసి కలిపినట్టు వుంటుంది. ఇష్టం లేని పెళ్లి అయితే నేను చెప్పకర్లేదు. ఇలాగ ఆ జంట భావాలు అక్కడ పరిస్థితిని బట్టి మారుతుంటాయి. కాని జనాలకి మాత్రం పెళ్లి అంటే మంచి ఆటవిడుపు చుట్టాలని కలిసి కబుర్లు చెప్పుకొని..కొందరు గొప్పలు పోవటానికి కొందరు చాడీలు చెప్పటానికి ఇలా రకరకాలు గా వాళ్ళ ఆనందం పొందటానికి ఏర్పరిచే వేదిక.

ఇక పెళ్ళిలో ఇంకో వర్గం జనాలు వుంటారు వాళ్ళే పెళ్లి పనులు చేసేవాళ్ళు. వాళ్ళని గుర్తించటం చాలా తేలిక పెళ్ళిలో అందరికంటే చెమటలు కక్కుకుంటూ అటు ఇటు తిరుగుతున్నాడు అంటే వాడు పెళ్లి పనులు చేస్తున్నాడు అని అర్ధం. వాళ్ళకి పెళ్లి ఎలా జరిగింది అంటే చెప్పే సమాధానం ఇంత మంది వచ్చారు(భోజనాల లెక్క) ఇంత ఖర్చు అయ్యింది. వాడిని పెళ్లి కూతురు చీర రంగు తెలియదు పెళ్లి కొడుకు డ్రెస్సు తెలియదు అసలు తాళి కట్టాడో లేదో కూడా కొన్ని సార్లు తెలియదు.

ఇలా విబిన్నమైన వర్గాల జనాలు ఒక చోట మూగి చేసే తంతే పెళ్లి

ఇట్లు
మీ నేస్తం

నేను మొదటి తరగతి లో చేరే వయసొచ్చిందిరో!!

2011-06-08T14:22:00.000+05:30

మొత్తానికి నా జీవితం లో ఇంకో మైలురాయి చేరుకున్నా...నేను ఒకటవ తరగతిలో చేరేందుకు సరిపడా వయసు వచ్చింది నాకు...ఏంటి అర్ధం కాలేదా సరిగ్గా మూడు రోజుల క్రితం నాకు ఈ ఐ.టి రంగం లో ఐదేళ్ళ అనుభవం వచ్చింది. అంటే నేను ఇప్పుడు ఐ.టి రంగం లో మొదటి తరగతి(టీం లీడ్) చదవచ్చు అన్నమాట. ఒక్క సారి నా ఈ ఐదేళ్ళ ప్రయాణాన్ని నెమరు వేసుకుంటే ఇలా అనిపించింది.

ఎన్నో ఆసలు ఎన్నో కలలు మనసు నిండుగా వుండగా ఈ రంగం లో చంటిపాపలగా అడుగు పెట్టాను. అంతకు ముందు నవమాసాలు మాసానికి ఒక పరిక్ష లెక్కన తొమ్మిది పరీక్షలు చేసారు(ఏడవ తరగతి, పడవ తరగతి,ఇంటర్ రెండేళ్ళు, ఇంజనీరింగ్ నాలుగేళ్ళు, కంపెనీ వాళ్ళ పరీక్ష ఒకటి మొత్తం తొమ్మిది)...పుట్టగానే పిల్లలు ఎలా అమాయకం గా వుంటారో నేను కూడా అలాగే అమాయకం గా ఐ.టి రంగం లోకి అడుగుపెట్టాను..నాకు పాకటం,నడవడం(కోడింగు, టెస్టింగు) అన్ని మా కంపని నేర్పించింది.

ప్రతి పుట్టిన రోజుకి కొత్త బట్టలు(హైకు) పెట్టారు. బట్టలతో పాటు నేను ఆ ఏడు చేయాల్సిన పనులు కూడా పెంచారు(ప్రమోషన్). మొదటి రెండేళ్ళు జీవితం లో ఏదో సాధించిన ఆనందం ఆ లెటర్ తీసుకున్నప్పుడు కలిగింది. ఈ లోపు మనం నడక నేర్చాము (తప్పులు చేయకుండా కోడింగ్) ఆ తర్వాత పరుగులు కూడా నేర్చాము(స్పీడ్ గా కోడింగ్). ఆ పరుగుల మధ్యన పడుతూనే ఉన్నాం అందరు ఎందుకంత కంగారు అని తిడుతూనే వున్నారు. ఆ తర్వాత కాలం ఎలా గడిచిందో గమనించే లోపే ఐదేళ్ళు గడిచిపోయాయి .

ఇదండీ నా ఐదేళ్ళ జీవితం. ఇప్పటి నించి చాలా ఎక్కువ బాధ్యతలు వుంటాయి అని అంతా అంటున్నారు నాకు మాత్రం ఎప్పటిలాగానే పడుతులేస్తూ రోజు చేసే పనే అని అనిపిస్తుంది. ఎలా వుంటుందో ఏంటో చూడాలి మరి...

ఇట్లు,

మీ నేస్తం

పంచ్ డైలాగులు

2011-06-03T15:06:00.001+05:30

సినిమా తారలు ఐ. టి లో పని చేస్తుంటే వాళ్ళ పంచ్ డైలాగులు ఇలాగ ఉండేవేమో:

చిరంజీవి:

1. వీర బగ్గర్ రెడ్డి...! బాగ్గే కదా అని లైట్ తీసుకుంటే హైకు కట్ చేస్తా!!!

2.తన బగ్గులని వెతకటానికని ఒక కొత్త టెస్టర్ ని తీసుకుంటే ఆ టెస్టర్ తో డైలాగు...

"థాంక్స్ చెప్పకు..నువ్వు కూడా నాలుగు బగ్గులు వదిలేసి ఇంకో ముగ్గురికి ఉద్యోగం ఇప్పించు...వాళ్ళని థాంక్స్ కి బదులుగా ఇంకో ముగ్గురికి ఇప్పించమని చెప్పు"

౩. గాంధీగిరి చేస్తున్న చిరంజీవి కి ఒక టెస్టర్ వచ్చి ఇలాగ చెప్పాడు

" అన్న ఒక డెవలపర్ వున్నాడు అన్న రోజు అదే బగ్గు పెట్టి కోడ్ కమిట్ చేస్తున్నాడు..నేను టెస్ట్ చేయలేక పోతున్న అన్న"

"కంగారు పడకు తమ్ముడు...ఇక నించి వాడు ఆ బగ్గు పెట్టినప్పుడల్లా నవ్వుతు ఆ బగ్గు రిపోర్ట్ డిలీట్ చేసేయి వాడి ముందే వాడే మారతాడు"

రెండు రోజులు పోయాక

"ఏంటి తమ్ముడు వాడు ఆ బగ్గు పెట్టటం మానేసాడా?"

"లేదన్నయ్య నన్ను మా మేనేజర్ కంపని నించి తరిమేసాడు"

బాలయ్య:

1. చూడు పాజిటివ్ టెస్టింగ్ ఏ చూడు! నెగెటివ్ చూడకు! మాడిపోతావ్!! పిచ్చోదివైపోతావ్!!!

2. నీ కంపనీ కి వచ్చా!! నీ టీము లోకి వచ్చా!! నువ్వు చిన్నప్పుడు నేర్చుకున్నది సి# కోడె అయితే !! నువ్వు నిజంగానే ఈ మోడ్యులు చేసుంటే!! చెకిన్ చేయరా చూసుకుందాం!!

౩. క్లయింటు పోసిషన్ లో వున్నా బాలయ్య "ఇష్యులతో కాదురా చేయింజు రెక్వేస్టులతో చంపేస్తా"

మహేష్ బాబు:

1 . ఎప్పుడోచ్చాం అని కాదన్నయ్య బగ్గు పెట్టామా లేదా అన్నది ఇంపార్టెంట్

2 . ఒక్క సారి కోడ్ చేస్తే నా లాజిక్ నాకే అర్ధం కాదు

౩. ఎవడు కోడ్ చేస్తే బ్రౌజరు దిమ్మ తిరిగి మైండ్ బ్లాక్ అవుతుందో వాడే పండుగాడు

4. బగ్గులు చూడాలి అనుకో పర్లేదు..కోడు చూడలనుకోకు పిచ్చేక్కిపోతావ్

జూ. ఏన్.టి. ఆర్

1 . గూగుల్ తోడూ ఇష్యూ దొరక్కుండా కోడ్ చేస్తా

2 . ఈ సీమలో మొదట బగ్గు చేసింది మాతాత మొదట క్రాష్ చేసింది మా బాబాయి...వాటితో నన్ను బయపెట్టలేరు..(క్యు.ఏ కి వార్నింగ్ ఇస్తూ)

౩. ఆన్ సైటు నించి వచ్చాడు సాఫ్టుగా లవర్ బాయ్ లాగున్నాడు అనుకోవద్దు క్యారెక్టర్ కొట్టగా వుందని ట్రై చేశాను లోపల ఆఫ్ షోరూ డెవలపర్ అలానే ఉన్నాడు...బయటకి వస్తే రచ్చ రచ్చె...

నోట్: పైన రాసిన డయిలాగులు ఎవరిని కించపరచటానికి కాదు గమనించగలరు

ఈ ఆలోచన ఇచ్చిన సూర్యపవన్ కి నా కృతఙ్ఞతలు.

ఇట్లు

మీ నేస్తం

యేమని చెప్పను రా లింగా ఈ ఐ టి కష్టాలు :(

2011-05-30T17:50:00.000+05:30

యేమని చెప్పను రా లింగా ఈ ఐ టి కష్టాలు...
పండగ లేదు పబ్బం లేదు రాతిరిలేదు పగలు లేదు...
పెళ్ళాం లేదు పిల్లలు లేరు పని మాత్రం గంపెడుంటది...
యేమని చెప్పను రా లింగా ఈ ఐ టి బ్రతుకులు...

సెనివారమెల చేలినేంట పెట్టుకొని సినిమాకి పోతే...
సెల్లుమోగే గుండె పగిలే..ఆఫీసుకి రమ్మని ఫత్వాలు వచ్చే...
మెల్లంగ చూసి చెలి చెవిన వేస్తే చీ..పో అంటే చీదరించి పంపే...
యేమని చెప్పను రా లింగా ఈ ఐ టి కష్టాలు...

అర్దరాతిరేల క్లయింటు లయిన్లకోచ్చే... అర్ధం కాని బాషలో లెఫ్టు రైటు ఇచ్చే
పోద్దుగాలికల్ల నాగిట్ల కావలనడిగే...కళ్ళు మంటలోచ్చే కీళ్ళ నేప్పులోచ్చే...
తెల్లారే సరికల్లా నాకు నూట నాలోగోచ్చే...క్లయింటు గాడికేమో నా మీద కోపం వచ్చే..
యేమని చెప్పను రా లింగా ఈ ఐ టి కష్టాలు...

ఉగాది శుభాకాంక్షలు

2011-04-01T15:39:00.000+05:30

నూతన సంవత్సర శుభాకాంక్షలు...

ఈ ఏడాది మీరు సుఖ సంతోషాలతో సిరి సంపదలతో ఆనందంగా గడపాలని ఆశిస్తున్నాను

ఖర నామ సంవత్సరం మీ కరములని సంపదలతో నింపాలని కోరుకుంటూ .....మీ నేస్తం

కధ: చావా??? బ్రతుకా???

2011-03-24T13:11:00.001+05:30

కారుమబ్బులు కమ్ముతున్న సమయం..కుమార్ ఆకాశాన్ని పట్టించుకొనే పరిస్థితిలో లేడు. తన ముందిప్పుడు రెండే మెదులుతున్నాయి. ఒకటి తనను ఇంతటివాడిని చేసిన తల్లిదండ్రులు రెండు తను ప్రేమించిన సరోజ. వాళ్ళలో ఎవరిని వదులుకోలేడు కాని ఇద్దరు ఉండే దారి కనపడట్లేదు. చాలా రోజులనించి ఈ సమస్య పరిష్కారం కోసం అలోచించి ఇంకా ఆలోచించలేక ఏ సమాధానం దొరకక తన చావుతో సమస్య పరిష్కరిద్దాము అన్న నిర్ణయానికి వచ్చి దగ్గరలో ఉన్న నిర్జన కొండమీద పురుగుమందు తాగటానికి నిర్ణయించుకున్నాడు.

కొండ మీద కి వెళ్లి కూర్చొని ఒక్క సారి తన వారితో మాట్లాడాలి అని నిర్ణయించుకున్నాడు. ముందుగానే కొని తెచ్చుకున్న శీతల పానియము, పురుగుల మందు డబ్బాలు పక్కన పెట్టి ఇంటికి కాల్ చేసాడు. ఫోన్ ఎత్తిన అమ్మతో "హలో అమ్మా" అని ఉబికివస్తున్న బాధని దిగమింగుతూ మాట్లాడుతున్నాడు.

"హలో కుమార్ ఏమైందిరా ఎందుకు అంత బాధ పడుతున్నావ్" కంగారుగా అడిగింది అమ్మ. తను ఏడుస్తున్న విషయం అమ్మకి ఎలా తెలిసిందా అని ఆలోచిస్తూనే ఇంకా ఏడుపు ఆపుకోవటం తనవల్ల కాక పెట్టేసాడు కుమార్.

ఎంత సేపు ఏడిచాడో తెలియదు కళ్ళు తుడుచుకొని మళ్ళి ఇంటికి కాల్ చేద్దాము అని ఫోను తీసాడు. ఈ లోపు ఇంటినించి పదిసార్లు కాల్ వచ్చింది అని తను ఎత్తలేదు అని చూసి వాళ్ళకి కాల్ చేసాడు. ఈ సరి ఫోన్ నాన్న ఎత్తారు "ఏమైందిరా ఎక్కడున్నావ్" అడిగారు నాన్న

"నాన్న నేను ఆ అమ్మాయిని మర్చిపోలేను" అన్నాడు కుమార్

నా: "ముందు నువ్వు ఎక్కడున్నావో చెప్పు"

కు: "నన్ను చెప్పనివ్వండి నాన్న. నేను ఆ అమ్మాయిని మర్చిపోలేను. అలాగని మిమ్మల్ని వదులు కోలేను. నా వల్ల కావట్లేదు నాన్న నేను ఇలాగ రెండిటి మధ్యన ఉండలేక పోతున్నా " గబగబా చెప్పేసి బోరున ఏడ్చేసాడు.

నా: ఏదో తేడాగా మాట్లాడుతున్నాడు ఏమి చేసుకుంటున్నాడో ఏమో అని భయాన్ని ఒక పక్కన దాచి ధైర్యం నటిస్తూ "అవన్నీ మనం మాట్లాడదాం ముందు నువ్వు ఎక్కడున్నావ్? సెలవ పెట్టి ఇంటికిరా. ఇంటి దగ్గర కూర్చొని మాట్లాడదాం"

కు: అతి కష్టం మీద మాటలు పలుకుతూ గుండె వేగం బాగా పెరిగిపోయింది...కళ్ళు ఏడ్చి ఏడ్చి చింత నిప్పులలాగా వున్నాయి..తన శరీరం మీద చీమలు పాకుతున్న గుర్తించలేని స్థితిలో వున్నాడు.."లేదు నాన్న నేను ఇంకా ఇంటికి రాను నా వల్ల కాదు ఇంకా ఈ నరకం అనుభవించటం..మీకు మీ పరువు ప్రతిష్టలు కావాలి..తనకి నేను కావాలి ..నాకు మీరిద్దరూ కావాలి ..మీరు తనని ఒప్పుకోలేరు... ఈ సమస్య ఎప్పటికీ తీరదు నాన్న"

నా: "నువ్వు చాలా కోపం లో వున్నట్టు వున్నావ్ ముందు ఎక్కడ ఉన్న ఇంటికి రా మనం కూర్చొని ఆలోచిద్దాము" ఏదో పిచ్చి పని చేయబోతున్నాడు అని అర్ధం అయ్యి గొంతులో ఆ భయం తెలుస్తోంది.

కు: "నాన్న మీరు నాకు చాలా చేసారు నేను అడిగిందల్లా ఇచ్చారు. ఆ అమ్మాయి విషయంలో ఎందుకు నాన్న అంత పట్టుదల మీకు??"

నా: "ఆ అమ్మాయి విషయంలో పట్టుదల ఏమి లేదు రా నాకు నీ వెనుక మీ చెల్లి ఉంది ఇప్పుడు నువ్వు ఆ అమ్మాయిని చేసుకుంటే సమాజంలో మనం తలఎత్తుకోగాలమా??సమాజం సంగతి వదిలేయి ఆ అమ్మాయితో మేము కలిసి ఉండలేము రా....నేను ఈ ఊరిలో నా చిన్నప్పటి నించి ఉంటున్నా ఇప్పుడు నువ్వు ఆ అమ్మాయిని చేసుకుంటే నేను ఇంకా ఇక్కడ ఉండలేను వేరే ఊరు వెతుకోవలిసిందే "

కు: "ఇంకా మీకు ఆ కష్టం వుండదు నాన్న ఈ రోజుతో మీరు నా గురించి ఆలోచించకర్లేదు...ఒక వేళ మీరు ఆలోచించినా అది తెలుసుకొనే పరిస్థితిలో నేను ఉండను..నాన్న మీరు నాకు ఎంతో చేసారు దాని ఋణం నేను ఎప్పటికి తీర్చుకోలేను.."

ఇంకా మాట్లాడలేక ఫోను కట్ చేసేసాడు కుమార్.

తనలో ఎన్నో ఆలోచనలు...చాలా భయం...అలాగే చాలా ధైర్యం...రెండు ఒకే సారి ఎలా వున్నాయో అర్ధం కాకుండా వుంది...ఒక క్షణం ఎంతో ధైర్యంగా అనిపిస్తోంది ఇంకొక క్షణం అయినవాళ్ళు గుర్తొచ్చి భయం వేస్తోంది....తను ఇన్నాళ్ళు సమాజం ముందు భయపడి ఆపుకున్న కన్నీళ్ళంతా ఒక్క ఉదుటున తన కంట్లోనించి రాలుతున్నాయ్...అలా ఏడుస్తూ ఎంతసేపు అక్కడ ఉన్నాడో తనకే తెలియదు...సెల్లు వంక చూస్తే ఇంటి నించి చాలా కాల్స్ వచ్చాయి. మళ్ళి వాళ్ళకి కాల్ చేసే ధైర్యం లేదు...అందుకే ఇంక సరోజకి చేద్దాం అని నిర్ణయించుకున్నాడు.

స: "హలో"

కు: " హాయ్ సరోజ...ఎక్కడున్నావ్??" సాద్యమైనంత దైర్యం నటిస్తూ మాట్లాడుతున్నాడు కుమార్

స: "రూములో వున్నాను...ఎక్కడికి వెళ్ళిపోయావు నేను ఫోన్ చేస్తే ఎత్తలేదు పొద్దున్న...మీ రూమ్మేట్ కి కాల్ చేస్తే పొద్దునే బయటకి వెళ్ళాడు అని చెప్పాడు"

కు: " సరోజా నువ్వంటే నాకు చాలా ఇష్టం..నువ్వు లేకుండా నేను బ్రతకలేను"

స: "నాకు కూడా నువ్వంటే ప్రాణంరా...ఏంటి ఇప్పుడు సడన్ గా ఈ మాటలు ఎందుకు...ఏమైంది అసలు ఎక్కడున్నావ్"

ప్రాణం అన్న మాట వినగానే మళ్ళి కుమార్ కళ్ళలో నీళ్ళు తిరగడం మొదలైంది...

కు: " నేను చెప్పేది ఎదురు ప్రశ్న వేయకుండా విను...నీ లాంటి మంచి దానికి, అందగాత్తెకి నాకంటే చాలా మంచి కుర్రాడు దొరుకుతాడు. నేను నీకు సరిపోనురా..."

స: "పిచ్చి పిచ్చిగా మాట్లాడకు...అసలు ఏమైంది...నువ్వు కాకుండా నేను ఎవరిని చేసుకోనని చెప్పాను కదా...అసలు ఏమి జరిగింది చెప్పు ? ఎక్కడ వున్నావ్??"

సరోజకి అంతా అయోమయంగా భయంగా వున్నది... తన్నుకు వస్తున్న దుఃఖాన్ని తన స్నేహితులకి తెలియకుండా ఆపటం చాలా కష్టం గా వుంది...చకచకా మేడమేట్లు ఎక్కుతోంది.

కు:" సరు(సరోజ ముద్దు పేరు) నేను చెప్పేది విను..మా ఇంట్లో మన పెళ్ళికి ఒప్పుకోరు...మీ ఇంట్లో కూడా ఒప్పుకోవట్లేదు...మన వాళ్ళని కాదని పెళ్ళిచేసుకోవడం మన ఇద్దరికీ ఇష్టం లేదు...ఈ పరిస్థితుల్లో మన పెళ్లి అవ్వటం అసంభవం..."

స: "మన పెద్దవాళ్ళని మారుద్దాం రా...వాళ్ళు మారతారు ఖచ్చితంగా...నిన్ను కాదు అని నేను ఎవ్వరిని చేసుకోనని చెప్పేసాను ఇంట్లో...చేసుకోను కూడా...ఎంతకాలమైనా పర్లేదు ఎదురుచూద్దాం...వాళ్ళని ఒప్పిద్దాం...అసలు నువ్వు ఎక్కడున్నావ్ అది చెప్పు ముందు.."

కు: "వాళ్ళు మారరురా...నాకు ఆ ఆశ చచ్చిపోయింది...అందుకే నేను కూడా చచ్చిపోదాం అని నిర్ణయించుకున్నా"

సరోజకి గుండె ఆగినంత పని అయ్యింది...ఏమి చెప్పాలో తెలియదు...తన ఇంట్లో వాళ్ళ తర్వాత తనని అంతలా అర్ధం చేసుకున్న వ్యక్తి కుమార్...తనతో జీవితం పంచుకోవాలి అనుకుంది...గత రెండు సంవత్సరాలుగా ఇంట్లో గొడవలు అవుతున్నాయి ఈ విషయం మీద...ఈ సంఘటనలు అన్ని ఒక్క రెండు సెకనులలో తన మదిలో తిరిగాయి...కుమార్ లేని తన జీవితం ఊహించటం కూడా అసాధ్యం తనకి...ఇప్పుడు తను కుమార్ ని ఆపాలి...తను కుమార్ ఇలాంటి పని చేస్తాడు అని కూడా అనుకోలేదు...ఎన్నో సార్లు తను భయపడి చనిపోదాము అనుకున్నా కుమార్ చక్కగా తన మాటలతో సముదాయించి ఆ ఆలోచనలు రాకుండా చేసేవాడు...అలాంటి కుమార్ ఇప్పుడు ఆత్మహత్య చేసుకుంటాను అంటున్నాడు...తనకి వున్న బలం కుమార్ తన బలహీనత కూడా కుమారే...కుమార్ కి ఏమన్నా చిన్న దెబ్బ తగిలినా సరోజ విలావిలాడిపోతుంది. తను తుమ్మగానే డాక్టర్ ని కలిసే దాక బుర్ర తినేస్తుంది...అట్లాంటిది కుమార్ చెప్పింది విన్నాక తన కాళ్ళ కింద నెల కదిలిపోయినట్లు అనిపించింది...ఎలాగైనా కుమార్ ని రక్షించుకోవాలి అనుకుంది కాని ఎలాగా అన్నది అర్ధం కావటం లేదు.

కు: "సరోజ వింటున్నావా" అటునించి సమాదానం రాక పోయే సరికి అడిగాడు కుమార్. కుమార్ కూడా సరోజ గురించి ఆలోచిస్తున్నాడు. తను ఇలా చెప్పటం సరోజాకి చాలా బాధ కలిగిస్తుంది అని తెలుసు కుమార్ కి. కాని తనకి ఇంతకంటే మంచి పరిష్కారం కనిపించలేదు.

స: "విన్నాను కాని నేను విన్నది నమ్మబుద్ధి కావట్లేదు...నువ్వేనా ఇలా మాట్లాడింది...ఇలాంటి నిర్ణయం తీసుకొనే ముందు నాకు ఒక్క సరి చెప్పాలి కదా...నీ కోసం నేను అన్ని వదులుకొని వచ్చేస్తానురా...నువ్వు అలాంటి పనులు ఏమి చేయకు...ఎక్కడ ఉన్నవో చెప్పు ముందు ...అసలు చావే దేనికి పరిష్కారం అయితే నేను కూడా వస్తాను నీకు తోడుగా ...ఇక్కడ ఎటు నీ తోడూ కాలేక పోతున్న కనీసం చావులో అవుతాను...ప్లీజ్ చెప్పవా"

ఏమి మాట్లాడుతోందో తనకి తెలియట్లేదు మదిలో మెదిలిన ప్రతి ఆలోచన అలాగా చెప్పేస్తోంది సరోజ...తనకి ఏడుపు వస్తోంది...కళ్ళ వెంట నీళ్ళు జలపాతం లాగా కారుతున్నాయి.

కు: "లేదురా...నువ్వు బాగుండాలి...నీకు మంచి జీవితం వుండాలి...ఇంట్లో ఒప్పుకోరు అని తెలిసి ప్రేమించటం నా తప్పు నా తప్పుకి నేనే శిక్ష అనుభవించాలి.."

సరోజ ఇంక తను ఎంత చెప్పిన కుమార్ వినడని అర్ధం అయిపొయింది....

స: "సరేరా నువ్వు చచ్చిపో నీ తప్పు కాబట్టి...కాని నా సంగతేంటి నీ కోసం నేను రెండేళ్ళగా ఇంట్లో గొడవ పడుతున్న ఇప్పుడు వాళ్ళకి ఎలా మొహం చూపించాలి...పోనీ వాళ్ళని వదిలేయి మీ తల్లిదండ్రులని ఎలా ఎదుర్కోవాలి...ఎప్పుడు నాతో చెప్తుండేవాడివి కదా...నీకు ఏ కష్టం వచ్చినా ఎదుర్కోవటానికి నీకు తోడుగా నేను వుంటాను అని...నాకు తోడుగా ఎప్పుడు వుంటాను అని...అవన్నీ అబద్దాలా??...ఒక్క సారి ఆలోచించు...నువ్వు లేకుండా నేను ఎలా ఉండగలను...నువ్వే నా ప్రాణం రా...నువ్వే లేక పోతే నేను ఇంక ఎలా బ్రతకాలి??"

కుమార్ కి ఆ మాటలు తూటాల్లా తన గుండెని తాకాయి...ఇంక సరోజ తో మాట్లాడలేక కట్ చేసేసాడు.వెంటనే ఫోన్ మోగింది నాన్న కాల్ చేస్తున్నారు.

కు: "హలో"

నా: "అరేయ్ నాకు చాలా కంగారుగా వుంది అసలు ఎక్కడున్నావ్ చెప్పు ... నేను వస్తాను మనం మాట్లాడదాం.."

కు: " ఇంక మాట్లాడేది ఏమి లేదు నాన్న నేను చచ్చిపోదాము అని నిర్ణయించుకున్నాను" ఎక్కడినించో ధైర్యం తెచ్చుకొని చెప్పేసాడు కుమార్.

అనుకున్నదంతా జరిగింది అని నాన్న బాదపడుతూ వీడిని ఎలాగన్నా ఆపాలి అన్న తాపత్రయం తో ఏమి చేయాలి అని ఆలోచిస్తున్నారు...

నా: "అంత పని చేయమాకు రా...మా ఆశలన్నీ నీ మీదే వున్నాయి...నువ్వు లేకుండా మేము ఉండలేమురా...అరేయ్ ఆ ఒక్క అమ్మాయి దక్కక పోతే చనిపోవలా చెప్పు...చినప్పటినుంచి నువ్వు అడిగిందల్లా ఇచ్చాం కదరా... ఈ ఒక్క విషయం లో ఎందుకు కాదంటున్నారు అని ఆలోచించరా...నాన్నా నా మాట వినరా ఒక్క అవకాశం ఇవ్వరా నాకు నీతో మాట్లాడడానికి...నువ్వు లేకుండా మేము ఎలా వుండగలమురా...మీ అమ్మ అసలు తట్టుకోలేదు...ఒక్క అవకాశం ఇవ్వరా...నువ్వు ఎక్కడున్నావో చెప్పరా నేను వస్తాను కావాలి అంటే దూరం గా నుంచుని మాట్లాడతాను...ఇన్నేళ్ళు పెంచినందుకు ఒక్క అవకాశం ఇవ్వరా"

ఎప్పుడు ఎంతో గంబీరం గా మాట్లాడే నాన్న అంతలా బ్రతిమిలడుతుంటే సందిగ్దంలో పడ్డాడు కుమార్...తనని ఇంతలా ప్రేమించే అమ్మనాన్నలని, అమ్మాయిని వదిలేసి చనిపోవటం ఎంత వరకు భావ్యం అని ఆలోచనలు మొదలయ్యాయి... కాని తను ఇప్పుడు వెనక్కి తగ్గితే సమస్య మళ్ళి అలానే వుంటుంది అన్న ఆలోచన ఒక వైపు తొలచి వేస్తోంది...

నా: "అయినా నువ్వు చనిపోవాలి అనుకుంటే...నాకు చెప్పు నేను కూడా ఇక్కడ ఒక పురుగుల మందు డబ్బా తెచ్చుకొని అందరికి పోసి నేను తాగుతాను...నువ్వు చనిపోతే ఆ బాధ భరించే కంటే మేమి కూడా చనిపోవటం సులువు మాకు...అయినా చావు అనేది మార్గం కాదురా...నా మాట విను ఒక్క సారి కలువు నన్ను...దయ చేసి ఒక్క సారి కలువు " అని కంటతడి పెట్టుకున్నారు

ఒక్క సారి అందరి మాటలు విన్న కుమార్ కి తను చనిపోతే ఎంతమంది చనిపొతారో అని కళ్ళముందు కదిలింది...తన జీవితం లో ముఖ్యమైనవారందరూ చనిపోతారు అది కూడా తన వల్ల!!! అన్న ఆలోచన తన మెదడుని ఆక్రమించింది...చేతిలో వున్నా పురుగులమందు సీసా...కిందకి విసిరేసి తిరిగి రూముకి బయల్దేరాడు కుమార్...అప్పుడే అస్తమిస్తున్న సూర్యుడి ఎరుపు...కుమార్ కంటి ఎరుపు ముందు వెలవెల పోయింది...తను ఇంటికి, సరోజకి ఫోను చేసి తన నిర్ణయం చెప్పాడు..తరవాత ఇంకెప్పుడు కుమార్ ఆత్మహత్యా ప్రయత్నం చేయలేదు.

----------------*****కధ సమాప్తం*****------------------మీ నేస్తం

ఇదేనా బాధని చూపించే మార్గము???

2011-03-11T13:25:00.002+05:30

నిన్న మిలియన్ మార్చ్ లో విగ్రహాలు పడగొట్టటం నాకు ఎందుకో బాధ గా అనిపించింది. అవి ప్రాణం లేని విగ్రహాలు వాటిని పడేస్తే పోయేది ఏముంది అని అడగచ్చు నిజమే వాటికీ ప్రాణం లేదు. కాని వాళ్ళకి ఈ ప్రాంతీయ గొడవలకి కూడా ఎటువంటి సంబంధం లేదు. అసలు వాళ్ళు జీవించిన సమయం లో ఈ రెండు ప్రాంతాలు లేవు అని నేను అనుకుంటున్నాను. అలాంటప్పుడు పాపం వాళ్ళ విగ్రహాలు ఏమి చేసాయి?

అంతగా మీ ఆగ్రహం చూపించాలి అంటే పక్కనే సచివాలయం వుంది దానిముందు నిశబ్ద ధర్నా చేయాల్సింది. అందరు సచివాలయం ముందు నిల్చుంటారు కాని ఎవ్వరు మాట్లాడరు. ఇంతమంది జనాలని చూసి పోలీసులు తరమాలని చూసినా మీరు మాట్లాడక పోతే వాళ్ళు ఏమి చేయలేరు తోకముడుచుకొని మీరు ఎప్పుడు వెళ్తారో అని ఎదురుచూడటం తప్ప. వాళ్ళకి మిమ్మల్ని తరమటానికి ఒక కారణం కావాలి. మీరు ఆ కారణం ఇవ్వనంతవరకు వాళ్ళు ఏమి చేయలేరు. కాదని అంటారా???

ఈ రాజకీయనాయకులకి బుద్ధి ఎప్పుడు వస్తుందో?? ఈ గొడవలకి అంతం ఎప్పుడు చేస్తారో? ఇలాగే జాప్యం చేస్తుంటే రెండు ప్రాంతాల మధ్యన ఎలాంటి పరిణామాలు జరుగుతాయో అని భయం వేస్తోంది..

నాలాంటి జీవులకి ఏమి జరిగిన ఒకటే...మా ఆఫీసు ఉండక మానదు నేను వెళ్ళాక మానను కాని ఎంతో మంది విద్యార్ధుల హృదయాలలో, చిన్నపిల్లల మనసులలో ద్వేషపు జ్వాలలు నింపుతున్నారు అవి ఇప్పుడు రాజకీయనాయకుల స్వార్ద ప్రయోజనాలు సమకూర్చిన...తర్వాత అక్కడి సమాజానికి చాల చేటు చేస్తాయి...అది సమైక్యంద్ర ఐన సరే తెలంగాణా ఐన సరే...మీకు వున్నది ఒక్క అభిప్రాయ భేదం మాత్రమే...శత్రుత్వం లేదు...

మిమ్మల్ని రెచ్చగొట్టిన నాయకులూ రేపు అన్ని సద్దుమనిగాక తిరిగి కలిసిపోతారు..కాని మీరు అలా కాలేరు...అందుకే అందరికి నా విజ్ఞప్తి ఏంటంటే " మీ భావం/ప్రాంతం కోసం మీరు పోరాడండి తప్పు లేదు...కాని పక్క ప్రాంతం వాడి మీద ద్వేషం పెంచుకోవద్దు...వాడు మీకు అన్యాయం చేయలేదు రాజకీయ జూదంలో మీలాగే వాడు ఒక పావు అంతే..వాడు వాడి పొట్ట పట్టుకొని మీ లాగే పని వెతుకుంటూ వచ్చాడు...మీ అభివృద్ధి జరగలేదు అంటే అది రాజకీయాల తప్పు..కాని వేరే ప్రాంతంలో వున్నా సామాన్య ప్రజనీకానిది కాదు.

గమనిక: ఇది నా మనసులో ఉన్న భావము.ఏ ప్రాంతాన్ని కించపరచటం నా ఉద్దేశం కాదు. ఒక వేళ మీకు ఏమైనా అలాంటిది అనిపిస్తే నాకు తెలియచేయండి...సరి చేసుకుంటాను.

నేను గిట్లేన్దుకున్న???:(:(:(

2011-02-23T17:24:00.002+05:30

నేను ఇంజనీరింగ్ చదివేటప్పుడు నాకు హృతిక్ రోషన్ అంటే బాగా ఇష్టం. కాని అప్పుడు వుండే లిమిటెడ్ బడ్జెట్ కి అన్ని సినిమాలు చూడటం అయ్యేది కాదు. అలా ఇష్టం కొద్ది చూసిన ఒక సినిమా "లక్ష్య"..అందులో "మై ఐసా క్యు హుం" అని ఒక పాట వుంటుంది. అందులో డాన్సు కోసం పడి పడి చూసేవాడిని ఆ పాటని నా కంపూటర్ లో పెట్టుకొని...కాని అప్పుడు నాకు తెలియదు నా జీవితం లో అది situational సాంగ్ అని...ఇప్పుడిప్పుడే తెలుస్తోంది.

అరే వారానికి మరీ ఒక్క రోజు ఆఫీసు కి రాబుద్ధి అవుతోంది :( మిగిలిన రోజులు బలవంతాన రావాల్సి వస్తోంది. జీవితం అంతా ఏదో స్తబ్దుగా అయ్యిపోయింది...ఈ మధ్యనే ఏదన్నా ఊరు వెళ్లి వస్తే బాగుంటుంది అని మహాబలిపురం, చిదంబరం, నైవెల్లి ఇంకా పాండిచెర్రి చూసి వచ్చాను. వచ్చాక ఒక వారం బాగానే వుంది కొత్తగా మళ్లీ ఇప్పుడు ఇదివరకటి పరిస్థితే :(...

ఏమిటో జీవితానికి రవితేజ చెప్పినట్టు బొత్తిగా కిక్ లేకుండా పోయింది :(:(:(:(...కొత్త గా ఆటలు మొదలు పెట్టాను...జనాలని ఎక్కువ కలుస్తున్నాను ఐనా ఏదో ఒక మూల ఒక అలసట ఒక స్తబ్దత అలా వుండి పోయాయి..అందుకే నేను తెలుగులో క్షమించాలి హైదరాబాదు లో ఉంటున్న కాబట్టి హైదరాబాది బాషలో పైన పేర్కొన్న పాట పాడుకుంటున్నా:(;(;(:(:(

"నేన్ గిట్లేన్దుకున్న నేన్ గిట్లేన్దుకున్నా....నేను గిట్లేన్దుకున్నా...నేను గిట్లేన్దుకున్నా....

ఏం జెయ్యాల సమజైతల్లె... ఇప్పుడు నేను ఏమి చెయాల .... జిన్దగిబార్ నాకైతే ఏం చేయాలో సమజవ్వదేమో...."

ఇట్లు

మీ నేస్తం

కవిత:: ఆ క్షణం

2011-01-03T14:57:00.000+05:30

ఉవ్వెత్తున ఎగసిపడే సంద్రం ఉనికి కోల్పోయిన క్షణం
రహదారి రణగొణ ధ్వనులు మరచి మూగబోయిన క్షణం
ఉదయభానుడు ప్రజ్వలజ్యోతి నశించి నల్లబోయిన క్షణం
నన్ను వీడి నా ఆత్మ అంతర్ధానమవుతున్న ఆ క్షణం

ఆచారాలు: మైలు

2010-11-18T17:10:00.002+05:30

చిన్నప్పటి నించి మనకి మన పెద్దవాళ్ళు చాలా చెప్తుంటారు. ఉదాహరణకి పగిలిన అద్దంలో తల దువ్వకూడదు, రాత్రిళ్ళు గోళ్ళు తీయకూడదు ఇలాగ. కాని ఎందుకు అని అడిగితే మాత్రం చాలావరకు "అది మన ఆచారం" అనో "అది అంతే" అనో సమాధానం వస్తుంది. నాకు ఇది నచ్చక నేనే సమాధానం వెతకటం మొదలు పెట్టాను. ఇవి కేవలం నా ఊహాజనిత కారణాలే నిజమైన కారణాలు అవచ్చు కాకపోనువచ్చు.

ఈ మధ్య వరకు నేను మన పూర్వికులు ఈ కట్టుబాట్లు ఆచారాలు అసలు ఆలోచించకుండా అప్పటి వ్యవస్థ తగట్టు పెట్టారు అని అనుకున్నాను కాని ఈ మధ్యనే మా నాన్నగారు ఏదో ఒక సందేహం నివృత్తి చేసుకుందాము అని "పరాశర స్తుతి" అంతర్జాలం లో వెతికి పెట్టమన్నారు. ఎంత వెతికినా దాని ఆంగ్ల అనువాద ప్రచురణ మాత్రమే దొరికింది. నేను అందులో ఒకేఒక భాగము చదివాను ఆ భాగము ఒక మనిషి పోతే ఎన్ని రోజులు మైలు పట్టాలి అన్నదాని మీద అది చదివాక వాళ్ళ ఆలోచనలు నాకు చాలా బాగా అర్ధం అయ్యాయి.

ఆ గ్రంధం ప్రకారం ఎవరు ఎలా పోయిన ఇన్ని రోజులు అని లేదు. మనిషి జబ్బు వాళ్ళ పోతే ఇన్ని రోజులు, విషప్రభావం తో పోతే ఇన్ని రోజులు ఇలా రాసి ఉంది. దాని బట్టి నాకు ఏమి అర్ధం అయ్యింది అంటే మైలు అన్నది వాళ్ళు పెట్టింది ఆ చావు వల్ల వచ్చిన హానికరమైన పదార్దాలు/క్రిములు ఎక్కువమందికి పాక కుండ వుండాలి అని ఇలాంటి కట్టుబాటు పెట్టారు అని అంతే తప్ప ఇంకో ఉద్దేశం లేదని.

ఇంకా పరాశర మహాముని మైలు లో ఇచ్చిన సవరణలు చదివాక నాకు వాళ్ళ దూరాలోచన ఏంటో తెలిసింది. అందుకే ఏమో పెద్దలు అంటారు "పెద్దవాళ్ళ మాట చద్దన్నం మూట" అని. కాని ఒకింత బాధగా అనిపించింది ఇంత బాగా ఆలోచించి ఆయన రాస్తే దానిని తరతరాలుగా మార్చేస్తూ వచ్చి దానికి విలువలేకుండా చేస్తున్నందుకు :( . ఆ పుస్తకం పూర్తిగా చదివిన తర్వాత మీకు ఏముంది అన్నది వివరంగా మళ్లీ రాయాలి అనుకుంటున్నాను ఈ లోపు మీకు ఓపిక తీరిక ఉంటే మీరే చదువుకోండి మీకు అర్ధం అవుతుంది అయన ఎంత బాగా ఆలోచించారో!!!

దీపావళి నిజంగా కాలుష్యం చేస్తుందా??

2010-11-02T16:03:00.001+05:30

చాలా మంది మిత్రులు దీపావళికి మనం కాల్చే టపాసుల వలన శబ్దకాలుష్యం, వాయుకాలుష్యం జరుగుతాయి అని కాబట్టి దీపావళికి టపాసులు కాల్చొద్దు అని నాకు చెప్పారు. నేను చాలా ఆలోచించగా నాకు అనిపించినా కొన్ని విషయాలు చెప్దాము అని ఈ టపా రాస్తున్నాను. పాతకాలం లో దీపావళికి ఎవరి ఇళ్ళలో వాళ్ళు టపాసులు చేసుకొనే వారని మా నాన్న చెప్తుంటారు. అప్పుడు ఇంటిలో చేసే టపాసులు అంత హానికరమైనవి చేయరు. మన ఇళ్ళలో పెద్దవాళ్ళకి తెలుసు ఏదైనా ఎక్కువ చేయకూడదు అని. అందుకే ఎక్కువ శబ్దం రాకుండా తయారు చేస్తారు.

అందుకే పూర్వం దీపావళి పండగ చాలా బాగా జరిగేవి వెన్నముద్దలతో, సిసింద్రిలతో, ఇంకా మా నాన్న చాలా చెప్తారు కాని నా బుర్రలో ఈ రెండే మిగిలాయి. ఏ టపాసులోనైనా మూడు రసాయనాలు వుంటాయి ఇంకా ఎక్కువ వుంటే అవి రంగులకోసమో, శబ్దం కోసమో, లేక రకరకాల ఆకారాలకోసమో కలుపుతారు. ఆ మూడు రసాయనాలు వల్ల వాతావరణానికి హాని కలిగించనివి అయితే చాలు మనం కాలుష్యం చేయనట్టే.

శబ్దకాలుష్యం కేవలం పెద్ద బాంబుల వల్లనే కలుగుతుంది చిన్నచిన్న బాంబులు నిర్దేశిత శబ్ద ప్రమాణాలలోనే పేలతాయి. ఇక వాయు కాలుష్యాన్ని ఆపటానికి రంగులు వచ్చే వాటి జోలికి పోకుండా వెళ్తే చాలు చాలా కాలుష్యం తగ్గించిన వారవుతారు.

దీపావళి నాడు టపాసులు కాల్చేది కేవలం పండుగకోసం మాత్రమే కాదు వానల వల్ల బాగా పెరిగిపోయిన దోమలని చంపటానికి కూడా ఉపయోగపడుతుంది.

ఆఖరికి నేను చెప్పదలుచుకున్నది ఏమంటే, డాబుకి పోకుండా మతాబులు, కాకరపువత్తులు, చిచ్చుబుడ్డులు, భుచక్రాలు ఇంకా ఇలాంటి చిన్నచిన్న వాటితో దీపావళి జరుపుకోండి మీ జేబుకి ఆరోగ్యానికి ఎంతో మంచిది.

కవిత: ధరణిని గాంచినాతడు మిక్కిలి సంతసించే

2010-10-26T18:42:00.002+05:30

మొదటి సారి గగన ప్రయాణం చేస్తున్న ఒక వ్యోమగామి అంతరిక్షంలోనించి భూమిని చూస్తూ.....

కనుబొమ్మల ముందు కనపడు గోళమున
కనువిందు చేయు పచ్చిక కాన రాగ
కన్నులముందర గ్రహాలూ బంతులు కాగా
ధరణిని గాంచినాతడు మిక్కిలి సంతసించే!

కాంతులీను తారల నడుమ మనసు మోహనరాగమాలపించగా
కనురెప్పలు గ్రహగతులకు తాళము వేయగా
తేలియాడు శరీరము తాళమునకు నాట్యమాడగా
కనుమరుగవుతున్న ధరణి కాంతులాతని కన్నుల గాంచె!!

రెండవ కవితకి ఆలోచన మరియు సహకారం అందించిన శాంతి కి ధన్యవాదములు

నల్లావు పేడా??? లేక తెల్లావు పేడా???

2010-10-25T18:17:00.002+05:30

అది జనవరి మాసం...సంక్రాంతి సమయం... దూరం గా నక్కలు నిద్రపోతున్న సమయం...దగ్గరలో ఉన్న కోళ్ళు కూస్తున్న సమయం.నలుపంటే ఇష్టంలేని రామేశం రామేశ్వరం నించి తిరిగి వస్తున్న సమయం.....

రామేశం రామాలయం సందు తిరుగుతుండగా అడ్డం గా ఒక నల్ల కుక్క తన వీపు మీద నల్ల పిల్లిని ఎక్కించుకొని ఎదురుగా వచ్చింది. దానిని చూడగానే రామేశం రామనామం జపించటం మొదలెట్టాడు. అలాగే భయపడుతూ నల్ల పిల్లి కుక్కని చూసాను ఏమవుతుందో అని అడుగులోఅడుగు వేసుకుంటూ వెళ్తుండగా వయ్యారం గా వచ్చింది నల్ల చీరకట్టుకొని నీలాంబరి. రామేశాన్ని చూస్తూనే "ఏరా రాము ఎలాగున్నావ్!!! పొద్దెక్కింది ఇంకా నిద్రలేవలేదా" అని అన్నది.

"అదేంటి నేను నడుస్తుంటే నిద్రలేవలేదా అంటుంది నీలాంబరి ఆంటి" అని ఆలోచిస్తూ అలా నడక ముందుకి కొనసాగించాడు మన రామం. ఇంటిదేగ్గరకి వెళ్ళగానే నల్ల పిల్లి ప్రభావం వల్ల నాన్న ఏమన్నా వాకిట్లో ఉన్నాడేమో అని తోంగిచూసాడు. అమ్మ పేడనీళ్ళు కలుపుతోంది. నాన్న జాడ లేదు. హమయ్య నాన్న లేడు ఇంతకీ అమ్మ కలిపేది "నల్లావు పేడా??? లేక తెల్లావు పేడా???" అని ఇంట్లో అడుగుపెట్టాడో లేదో రామం ని చూడని వాళ్ళమ్మ పేడ నీళ్లు ఒక చెంబుతో తటాలన రామం మొహం మీద కొట్టింది.

వాసన చూస్తూ "హమయ్య తెల్లవుపేడే" అని కళ్ళు తుడుచుకుంటున్న రామం ఎదురుగా కనపడింది రాత్రి కప్పుకున్న బొమ్మల దుప్పటి నల్లని అంచు నీటిలో బాగా తడిచి బొటబొటా కారుతూ. దుప్పటి తీసి చూస్తే అదే నల్ల చీర కట్టుకొని నీలాంబరి ఆంటీ అమ్మ తో మాట్లాడుతూ..తిరిగి చూస్తే ఎర్రటి కళ్ళతో నిప్పులు చెరుగుతున్న నాన్న.....

ఇట్లు
మీ నేస్తం

నా ఆలోచనలు -శీలం

2010-10-18T15:00:00.002+05:30

నాకు ఈ రోజు చాలా చిరాగ్గా వుంది...ఏమి చేద్దాము అని ఆలోచిస్తుండగా నాకు ఒక టపా రాయాలి అనిపించింది. ఈ టపా మీకు అందరికి రుచించక పోవచ్చు. ఇవన్ని నా ఆలోచనలే కాని అన్ని ఒప్పులే అని నేను అనటం లేదు. నేను మాట్లాడబోయేది శీలం అనే దానిమీద.

దయ చేసి నన్ను ఎవరు తప్పుగా అనుకోవద్దు అని మనవి చేసుకుంటూ ఇక అసలు విషయానికి వస్తాను. నాకు చిన్నప్పటి నుంచి ఈ పదం గురించి చాలా సందేహాలు ఉండేవి. నేను చదివానో లేదో తెలియటానికి పరీక్షలు పెడతారు మరి ఒకడికి శీలం వున్నదా లేదా అని తెలుసు కోవటానికి ఏ పరీక్ష పెడతారు అన్నది నా చిన్ననాటి సందేహం. నేను పదవ తరగతి చదివేడప్పుడు వచ్చిన ఒక సినిమా వల్ల శీల పరీక్ష అని ఒకటి వుంది అని విన్నాను తర్వాత కొంచెం ఇంజనీరింగ్ వయసు వచ్చాక ఎప్పుడో అనుకోకుండా ఒక పత్రిక లో "ఈ శీల పరీక్ష ఎంత వరకు నమ్మకమైనది?" అన్నదాని మీద వ్యాసం ప్రచురించారు. దాని ద్వారా నాకు తెలిసింది ఏమిటంటే ఆ పరీక్ష ఫలితాలు నిజంగా శీలాన్ని కొలవలేవు అని. వివరాలలోకి వెళ్ళటం నాకు ఇష్టం లేదు కాబట్టి ఇక్కడితో వదిలేస్తున్న.

తర్వాత ఉద్యోగం లోకి వచ్చి ప్రపంచం నా కంటితో నేను స్వయం గా చూడటం మొదలెట్టాక అర్ధం అయ్యింది శీలం అంటే ఏంటో. "శీలం అంటే నీ వ్యక్తిత్వాన్ని విడనాడకుండా జీవించటం" అని.

కాని సమాజం దృష్టిలో వాటికి ఒక నిర్వచనం వుంది దాని ప్రకారం కేవలం స్త్రీలకే పరిమితం చేసారు. ఇది ఎందుకు వాళ్ళకే పరిమితమో నాకు అర్ధం కాలేదు. ఒక స్త్రీ శారీరక సంబంధం కలిగి వుంటే తన శీలం పోయింది అని అంటుంటారు మరి అది చేసేది ఒక పురుషుడితో ఐనప్పుడు వాడి శీలం పోలేదా.శీలం ఏమన్నా కేవలం ఆడవారికే పరిమితమైన శరీరభాగామా నాకు తెలిసినంత వరకు కాదు. శీలం అన్నదానికి నైతిక కొలమానం తప్ప శాస్త్రీయ కొలమానం లేదు. ఒక స్త్రీకి శీలం పోయింది అని వివాహం ఆడటం మానేస్తే అలాగే ఒక పురుషుడి శీలం పోయిన కూడా వివాహం ఆడటం మానేయాలి. శీలం అన్నది ఆడవారికి మాత్రమే వుంటుంది అన్న అపోహ తొలగించుకోవాలి.

చివరాకరికి నేను చెప్పాలి అనుకున్నది ఏంటంటే శీలం అన్నది అందరికి వుంటుంది. శారీరక సంబంధం వాళ్ళ అది పోదు అది మానసికమైన భావం. దానికి కొలమానం లేదు కేవలం తనకి తానూ గా మాత్రమే తెలుసుకోగలిగే భావం. మీ శీలం మీరు నిలబెట్టుకోవాలి అంటే మీ వ్యక్తిత్వాన్ని దేనికోసం వదులుకోవద్దు..

గమనిక: మీకు ఈ టపా నచ్చక పోతే దయ చేసి మన్నించగలరు

ఇట్లు
మీ నేస్తం

దసరా/విజయదశమి శుభాకాంక్షలు

2010-10-15T19:40:00.005+05:30

మషిషాసురుని ఒక సబల చంపినా

రావనాసురుని ఒక విల్లుకాడు చంపినా

చెప్పే సూక్తి నీలోని చెడుని చంపమనే

చెప్పే నీతి చెడుదోవ పట్టొద్దనే

కవిత: ఎందుకమ్మా కోపం???????????????

2010-09-23T14:19:00.003+05:30

అలసిన వేళ పసిడి కాంతులతో సేద తీరుస్తావు

విరహపు వేళ చల్లని వెన్నెలతో తోడు అందిస్తావు

ప్రణయపు వేళ కొంటె చూపులతో సయ్యాటలు ఆడతావు

నిశిరాత్రి వేళ దరిచేరు జాబిలమ్మ ఈ నడిజామున నీకేల కోపమమ్మ!!!!

బిచ్చగాళ్ళు vs ఫణి

2010-06-23T15:41:00.000+05:30

నేను ఈ రోజు హైటెక్ సిటీ మీదుగా నడుచుకుంటూ వస్తుంటే అక్కడ చాలామంది చిన్నపిల్లల్ని అడుక్కోవటం చూసాను. వేసే వాళ్ళు వేస్తున్నారు లేని వాళ్ళు వెళ్ళిపోతున్నారు. నా సిద్ధాంతాల ప్రకారం వాళ్ళకి దానం చేయకూడదు అనుకుని నేను వచ్చేసాను. కాని మనసులో ఏదో ఒక మూల అదే మెదులుతూ వుంది. దాదాపు ఒక కుటుంబం మొత్తం అక్కడే అడుక్కుంటూ బ్రతుకుతోంది. వాళ్ళందరిని కొందరు నీచం గా చూస్తారు కొందరు జాలితో చూస్తారు కొందరు విరక్తితో చూస్తారు. నిజానికి వాళ్ళకి నా లాంటి వాళ్ళకి తేడా ఏంటి అని అనిపించింది.

ఏంటి వీడికి మతి గాని పోయిందా? వాళ్లతో పోలికేంటి అని అనిపించచ్చు కాని ఏమో ఆలోచనలకి అంట తర్కం తెలియదు కద...

నేను అలా అనుకున్నాక వాళ్ళకి నాకు మధ్య ఉన్న సారుప్యాలు ఇంతా అని ఆలోచించాను. అవి ఈ విధం గా వున్నాయి
౧. వాళ్ళు పొద్దున్న నించి రాత్రిదాకా పని చేస్తారు నేను చేస్తాను
౨. వాళ్ళు డబ్బులు వేసిన వాడిని గొప్పవాడిగా చూస్తారు నేను నాకు ఉద్యోగం ఇచ్చిన వాడిని గోప్పవాడిలా చూస్తాను
౩. వాళ్ళు డబ్బులు వేయక పోతే తిట్టలేరు(అప్పుడప్పు తిడతారు కూడా!!!) నేను ఉద్యోగం ఇవ్వని వాడిని తిట్టలేను(నేను అప్పుడప్పుడు కూడా తిట్టలేని పరిస్దితి :()
౪. వాళ్ళకి రోజు ఇంత సంపాదించాలి అని టార్గెట్లు వుంటాయి నాకు రోజు ఇంత పని చేయాలి అని టార్గెట్ వుంటుంది

ఇంకా ఇప్పుడు బేదాలు చూద్దాము
౧. వాళ్ళు ఎప్పుడు కావాలి అంటే అప్పుడు సెలవ పెట్టొచ్చు నేను పెట్టలేను
౨. వాళ్ళు డ్యూటీ ఎప్పుడన్నా దిగాచ్చు నేను చచ్చినట్టు ౮ గంటలు పని చేయాలి
౩. వాళ్ళకి సెలవపెడితే ఆ రోజు తిండి ఉండకపోవచ్చు కాని నాకు సెలవ పెడితే జీతం ఇస్తారు
౪. వాళ్ళు ఎండలో పని చేయాలి నేను ఏ.సి. లో పని చేస్తాను
౫. వాళ్ళని సంఘం లో గుర్తింపు వుండదు కాని నాకు కొద్దో గొప్పో వుంటుంది
౬. వాళ్ళకి ఏది ఇష్టం అయితే అది చేయచ్చు కాని నేను అలా చేయలేను మనసు చంపుకొని సంఘం చెప్పినట్టు చేయాలి

పైన పేర్కున్న అంశాలన్నీ చూసి నేను ఆలోచిస్తుండగా నా తలకాయ ఒక మొట్టికాయ వేసి వెధవ వాడి పని గురించి అలోచించి నీ పని ఎగొట్టక పని చేసుకో అని నాలుగు చివాట్లు పెట్టి ఆఖరికి నేను ఎందుకు పని చేయాలో హితబోధ చేసింది
"అందరు బిచ్చంఎత్తుకుంటే బిచ్చం వేసేవాడు వుండదు కద..నీ జాలి మీద వాడు బ్రతుకుతున్నాడు కాని నువ్వు నీ బుర్ర బుద్ధి ఉపయోగించి సంపాదించినా డిగ్రీ తెలివితేటలూ వాడి బ్రతుకుతున్నావ్ ఒకడు నీ మీద జాలి పడి ఉద్యోగం ఇవ్వడు నీ డిగ్రీ చూసి ఇస్తాడు" అని చెప్పి హాయిగా అది నిద్రలోకి జారుకుంది నేను మా క్లయింటు పెట్టిన బగ్గుల చిట్టా చూసుకుంటూ కూర్చున్న

నోట్: ఇది ఎందుకు రాసానో నాకు తెలియదు కాబట్టి నన్ను అడగద్దు

వేదం-ఒక మంచి సినిమా

2010-06-07T16:33:00.002+05:30

నేను ఎప్పటికీ సినిమా రివ్యూ రాయకోడదు అనుకున్నా కాని ఎందుకో వేదం గురించి రాయాలి అనిపించింది.

వేదం నాకు చాలా బాగా నచ్చింది. కధాపరంగా చాలా మంచి సినిమా. ఒక సినిమాలో ఆరుగురు విబిన్నమైన పాత్రలను చూపటం మరియు అన్ని పాత్రలకి సమప్రాధాన్యత ఇవ్వటం నాకు బాగా నచ్చాయి. ఈ సినిమాకి మీరు వెళ్ళాలి అనుకుంటే మీరు నటులని దృష్టిలో పెట్టుకొని కాక మంచి కధ ని దృష్టిలో పెట్టుకొని చూస్తే బాగుంటుంది.

సినిమా చాలా వరకు బాగుంటుంది అక్కడక్కడ కొంచెం వేగం తగ్గినా కొంచెం చిరకనిపించినా ఈ మధ్యకాలంలో వచ్చిన ఒక మంచి చిత్రం వేదం. చాలా వరకు సన్నివేశాలు వాస్తవానికి దగ్గరలో వుంటాయి. ఒక్కడే 100 మందిని కొట్టటం నేను పులి అని నేను చిరుతని సోడాలు కొట్టటం లేకుండా కేవలం కధలో పాత్రలనే చూపించారు.

ఇంకా స్క్రీన్ ప్లే నాకు చాలా బాగా నచ్చింది. నోటిలేక్కల్లో అయితే నాకు తెలిసి అన్ని పాత్రలకి సమానం గా సన్నివేశాలు వున్నాయి. ఎన్నో రోజులనించి ప్రేమకధలు,గొడవలు కొట్లాటలు, రాజకీయాలు చూసి విసిగిన నాలాంటి వాడికి ఈ సినిమా మంచి ఆటవిడుపు.

ఆఖరిగా నేను చెప్పదలుచుకున్నది ఏంటంటే ఈ సినిమా కధ కోసం చూడండి అనుష్క కోసమో, మనోజ్ కోసమో, అర్జున్ కోసమో లేక క్రిష్ కోసమో కాకుండా కధ కోసం మాత్రమే వెళ్ళండి. మీకు తప్పక నచ్చుతుంది అని నా నమ్మకం.

నన్ను చేరగా రావా చెలి................

2010-05-31T14:20:00.001+05:30

చిరుగాలుల అలజడిలో నిలిచిన ఈ చిరుదీపాన్ని  కాపాడగ  రావా చెలి ఈ వెన్నలరాతిరిలో
కాలిఅందియల  సవ్వడికోసం  విలపించే  నా హృదయాన్ని ఓదార్చగ రావా చెలి ఈ వేకువజాములో
కంటిపాపల కవ్వింతలులేక కన్నీరైన నా జీవితాన్ని వెలిగించగా రావా సఖి  ఈ నడిజాములో
మెరుపులా మెరిసిన నీ జాడలేక తపిస్తున్న నా ఎదని ఆక్రమించగా రావా సఖి ఈ సాయంసంధ్యలో

ఎండాకాలపు వాన చిత్రాలు

2010-05-07T18:43:00.000+05:30

చినుకుల సవ్వడిలో చిన్నారుల పడవల ఆటలు
పగిలిన గుండెలతో రైతుల మూగ మాటలు
నిలిచిన నీటితో ఉద్యోగుల బాధలు
ఇవ్వేలే ఎండాకాలపు వాన చిత్రాలు

ఎందుకింత నిర్లక్ష్యం???

2010-05-06T12:36:00.002+05:30

నిన్న నేను హైదరాబాదు పోలీసుల సోదాల గురించి వారి కష్టాల గురించి టపా రాసి ఇంటికి బయల్దేరాను. ఈ లోపు మా రూమ్మేట్ ఫోను చేసి బి+ రక్తం కావాలి ఎవరైనా తెలిసిన వాళ్ళు వుంటే కేర్ ఆసుపత్రికి పంపమన్నాడు. నాలుగు నెలల పాప కి ఓపెన్ హార్ట్ సర్జరీ అంట ఆపరేషను అయ్యిపోయింది కాని పాప కి ప్లాటిలెట్స్ కావాలి అంట. అందరం ఆసుపత్రికి వెళ్ళాము టపా రాసిన ప్రభావమో లేక పోతే మనసులో బలంగా నటుకుపోయిందో తెలియలేదు కాని అక్కడ నేను మొదట గమనించింది మాత్రం భద్రత ఏమాత్రం వుంది ఇంత పెద్ద ఆసుపత్రికి అని. నేను నా బ్యాగ్గు వేసుకొని లోపాలకి వెళ్తుంటే దానిని తెరిచి చూసిన పాపానికి ఎవడు పోలేదు.

లోపలి వెళ్ళేటప్పుడు ద్వారం వద్ద మాత్రం ఒక మెటల్ గుర్తించే ద్వారం వుంది (దానిని ఏమి అంటారో నాకు తెలియదు ) అందులోనించి అందరు వెళ్ళాలి. పోనిలే కనీసం ఇదన్నా వుంది అనుకొని లోపలి వెళ్ళాను. కాని లోపలి వెళ్ళాక నాకు తెలిసింది ఏంటంటే లోపలి రావటానికి ఇది ఒకటే కాదు చాలా మార్గాలు వున్నాయి అక్కడ కనీసం ఒక గార్డు కూడా లేడు అని. బంజారా హిల్స్ సెంటరులో ఉన్న ఆసుపత్రి అది.. దానికి చాలా పెద్ద పెద్ద హొదాలో వున్నవారు చికిత్సకి వస్తారు . అప్పట్లో బాలకృష్ణ,రామలింగరాజు, ఇంకా చాలా మంది పెద్దవాళ్ళు ఇక్కడే వైద్యం చేయించుకున్నారు అని చదివాను.

ఇంకా సామాన్యులు చాలామందే అక్కడికి వైద్యం కి వెళ్తారు. మరి ఇంత మంది అక్కడ వుంటారు కదా వాళ్ళకి ఆసుపత్రి కల్పించే భద్రత ఎంత అంటే గుండు సున్నా... ఒకవ్యక్తి బ్యాగ్గు లో ఏదైనా పెట్టి అక్కడ వదిలేసి వెళ్ళినా పట్టించుకొనే దిక్కు లేదు. నగరంలో తీవ్రవాదుల ముప్పు వుంది అని వార్తలు వచ్చినా ఇంకా ఇంత నిర్లక్ష్యం ఎందుకు? అంట ఫీజులు తీసుకొనే ఆసుపత్రి కనీస బాధ్యతల్లో ఇది ఒకటి కాదా? సినిమా హాలు లో సరైన భద్రత లేకపోతే అప్పట్లో పోలీసు వారు హాలు మూసేసే వారు అలాగే ఆసుపత్రులు కూడా సోదా చేసి సరైన భద్రత లేని ఆసుపత్రుల చిట్టా ఒకటి పత్రికల్లో ప్రచురించాలి ప్రజలని ఆ ఆసుపత్రులతో జాగ్రత్త అని అప్రమత్తం చేయాలి.. నలుగురు సరైన భద్రత సిబ్బందిని పెట్టలేను ఆసుపత్రి యాజమాన్యానికి లక్షలు కుమ్మరిస్తున్న రోగులు కూడా ఒక్కసారి అడగాలి ఎందుకు నీకు ఇంత ఇవ్వాలి కనీస భద్రత లేనప్పుడు అని ? ఈ ఆసుపత్రి కాక పోతే ఇంకో ఆసుపత్రి నాకు తెలిసి హైదరాబాదులో డాక్టర్లకి కొరత లేదు..

రోగుల భద్రత మీద ఇంత నిర్లక్ష్యం ఉన్న ఆసుపత్రి యాజమాన్యం రోగుల కష్టాలని పట్టించుకుంటుంది అన్న నమ్మకం నాకు లేదు. నా ఉద్దేశంలో మానవత్వం మరియు బాధ్యత లేని వైద్యం వైద్యమే కాదు.

పాపం హైదరాబాదు పొలీసులు....:(

2010-05-05T14:27:00.003+05:30

మొన్న నేను ఆఫీసునించి రూముకి బస్సులో వెళ్తున్నా. మాధాపూర్ నించి మా రూము 14 కిలోమీటర్లు. అందుకే రోజు బస్సు ఎక్కి నిద్రపొవటం నా అలవాటు. అలాగే మొన్న కూడా నిద్రపొతుంటే మసబ్ టాంక్ దగ్గర బస్సు ఆపేసారు. నేను నిద్రలేచి ఎందుకు అని అలొచించేలొపే ఒక కానిస్టేబుల్ వచ్చి "బ్యాగ్గు తెరిచి చూపించండి" అని అడిగాడు. నేను అలానే చేసాను. బస్సులో అందరివి చూసి వాళ్ళు వెళ్ళిపొయారు. కాని వాళ్ళ ఆలొచన నా మనసు నించి వెళ్ళలేదు.

ఇప్పట్లో టిఫిన్ బాక్స్ బాంబులని, మానవ బాంబులని ఉగ్రవాదులు ఏన్నొ కొత్త విధాలలో దాడి చేస్తుంటే వాటిని ఎదుర్కొటానికి పొలీసులకి వున్నవి అరకొర మెటలు డిటెక్టర్లు, పొలీసు కుక్కలు. మా బస్సు లో ఎక్కిన వాళ్ళకి ఐతే ఆ సదుపాయాలు కూడా లేవు. మా బస్సులో కనుక ఇలాంటి బాంబు ఏదైనా ఉండి ఉంటే అందరము ఈ పాటికి పొయుండెవాళ్ళం. మా సంగతి ఇప్పటికి పక్కన పెడితే ఆ చెకింగ్ కి వచ్చిన పొలీసులకి తెలుసు వాళ్ళ దగ్గర వున్న ఆయుధాలు ఎందుకు పనికి రావు అని.. ఒక వేళ నిజంగా అక్కడ తీవ్రవాది ఉండి ఉంటే వాడి దగ్గర తుపాకి అన్నా ఉండి ఉంటుంది దానిని ఆ కానిస్టబుల్ లాఠితో ఎలా ఎదుర్కొగలడు??

ఒకవేళ ఎక్కడన్నా ఒక బాంబు పేలితే వచ్చే మొదటి విమర్శ "ఇది కేవలం నిఘా వర్గాల వైఫల్యం" లేక పొతే "ఇది మన పోలీసు వారి వైఫల్యం". ఈ విమర్శలు చేసేది మంత్రులు ఇంకా మీడియా వాళ్ళు. ఏ బాంబు పెలేదాక వాళ్ళ వైఫల్యాలు ఎందుకు గుర్తించలేక పోతోంది ప్రభుత్వం ఇంకా మీడియా.. ఎన్ని స్కాములని రహస్య కెమెరాలతో చిత్రించి చూపించే మీడియా తీవ్రవాదులని ఎందుకు బందించలేక పోతోంది తమ రహస్య కెమెరాలలో?

ప్రాణాలకి తెగించి చెకింగ్ చేస్తున్న ఆ పోలీసు వాళ్ళకి ఎందుకు అత్యాదునిక పరికరాలు లేవు దీని మీద ఎందుకు అసెంబ్లీ ఆపారు. ప్రాణం కన్నా ప్రాంతమో డాములో పెద్దవా? పోలీసు బాగోగులు గురించి గమనించాల్సిన బాధ్యత ప్రభుత్వానికి లేదా? వారికి పెద్ద జీతాలు ఎలాగో ఇవ్వరు కనీసం వారికి ఆధునిక పరికరలిచ్చి అయినా సహకరించారా? అందుకే నాకు అనిపించింది "పాపం హైదరాబాదు పోలీసులు :( "

వేచి ఉంటానే చెలి నీ కొరకు

2010-05-04T14:33:00.001+05:30

నీ కోసం వేచిన నా కళ్ళు అలసినా
నీ ధ్యానంలో మరచిన నా జీవితం పిలిచినా
వేచి ఉంటానే చెలి నా తుదిస్వాస వరకు
వేచి ఉంటానే సఖి నా గొంతు మూగబోయే వరకు..

ఈ వేసవి వేడి తట్టుకోలేకపోతున్నాం

2010-04-28T12:15:00.000+05:30

నిన్న నేను కొంచెం ఆలస్యంగా  నిద్రలేవటం వాళ్ళ ఆఫీస్ కి వచ్చేసరికి 11 అయ్యింది. వచ్చేసరికి చొక్కా తడవటం ఎండటం కూడా అయ్యిపోయింది. నా చిన్నతనం అంతా దాదాపుగా విజయవాడ దగ్గరలో అవ్వటం వల్లనేమో వడదెబ్బ కొట్టకుండా తట్టుకున్నాను లేక పోతే ఈ ఎండకి నేను నిమ్స్ లో భర్తీ అవ్వాల్సి వచ్చేది.

నాలుగు సంవత్సరాలు క్రితం నేను హైదరాబాదు వచ్చినప్పుడు ఇలా వుండేది కాదు ఎంత ఎండ వున్నా   చెమట వచ్చేది కాదు. కాని ఈ మద్యన బాగా చెమట వస్తోంది. సరే నిన్న ఆఫీస్ లో పని వత్తిడి తక్కువ వుండటం వల్ల నా ఆలోచనలు ఎండమీదకి మళ్ళాయి. అసలు ఇంత ఎండలు రావటానికి కారణం ఏంటి అని ఆలోచించటం మొదలుపెట్టాను.

నా ఆలోచనలలో తెలిందేంటి అంటే  ఇంత ఎండ ఉండటానికి కారణం మనందరి స్వార్ధం...కేవలం మన స్వార్ధం మాత్రమే..దేవుడు మనకి బుర్రని ఇచ్చాడు అని మురిసిపోయే  మనిషి కి  దాని తో పాటు తనకి గంపెడు స్వార్ధం కూడా వుంది అని గుర్తించటానికి ఇష్టపడడు...

ఇంతకీ నేను చెప్పాలి అనుకున్నది  ఏంటంటే నేను ఒక గంట బుర్ర గోక్కుంటే నాకు అర్ధం అయ్యింది ఏంటంటే ఈ వేడికి కారణం మనమే హైదరాబాదు వాసులం.. వున్నా అన్ని కొండలని బండాలని పగలకొట్టి...చెట్లన్నీ తెగనరికి బహుళ అంతస్తుల మేడలు కడతాము..వాటిని కొనటానికి మనం మన జీవితాలలో కొన్ని సంవత్సరాలు గాడిద చాకిరికి కూడా సిద్దమవుతాం(ఈ ఎం ఐ కట్టాలికదా )..ఇదంతా నేను తప్పు అనట్లేదు కాని ఇక్కడ ఒక చిన్న నష్టాన్ని మనం గుర్తించట్లేదు మనం ప్రకృతికి నష్టం చేస్తున్నాం కాబట్టి ఆ నష్టాన్ని భర్తీ చేయటం మన కనీస బాధ్యత అది మరచిపోతున్నాం..

దీనివల్ల మనం విపరీతమైన ఎండలు మాత్రమే కాదు మన భావితరాలను కూడా భవిష్యత్తు లేకుండా చేస్తున్నాం.. చెట్లు లేక పోవటం వల్ల భూగర్భ జలాలు  ఇక్కడ ఉండట్లేదు దాని వల్ల మన మనకి నీటి ఎద్దడి ఏర్పడుతోంది ఈ పరిస్తితి ఇలాగే కొనసాగితే కొన్ని రోజులకి హైదరాబాదు మరో ఎడారిలాగా తయారు అవుతుంది.

ఇప్పటికైనా కళ్ళు తెరుద్దాం మనం పెద్ద పెద్ద తోటలు పెంచానవసరం లేదు. ప్రతి ఒకళ్ళు వారి ఇళ్ళలో ఒక చెట్టు నాటితే చాలు మళ్ళి నీటి ఎద్దడి విపరీతమైన ఎండలు ఉండనే ఉండవు..

కొన్ని సలహాలు:
1 . ఇండిపెండెంట్ ఇల్లు కలవారు మీ ఇంటి వాకిట్లో  కాని దొడ్లోకాని ఒక వేప చెట్టు పెంచండి దీని వల్ల మీకు చాలా లాబాలు వుంటాయి
లాభాలు:
     అ. వేపచెట్టు గాలి చాలా రోగాలను దూరం గా ఉంచుతుంది..దీని వల్ల మీకు ఆసుపత్రి బిల్లు ఆదా అవుతుంది
     ఆ. చల్ల గాలి వీస్తుంది విద్యుత్ కోత సమయం లో దీని కింద పడుకుంటే మీకు ఎ.సి దండగ అనిపిస్తుంది
     ఇ. వీప చెట్టుకు ఎన్నో మూలికా విలువలు వున్నాయి చాలా దెబ్బలని నయం చేయగల శక్తీ వుంది
     ఈ. ఇక ఉగాదికి మీరు వ్యాపారం పెట్టచ్చు అని నేను ప్రఎకంగా చెప్పకర్లేదు అనుకుంటా:)
     ఉ. పెద్దపెద్ద వేళ్ళు ఉండవు కాబట్టి పునాదులు పాడుఅవ్వవు
నష్టాలు:
     అ. ఊడవటం కష్టం గా వుంటుంది చాలా ఆకులు రాలుతుంటాయి

2 . అపార్టుమెంట్ కలవారు వారి సంఘానికి చెప్పి వేపచెట్లు నాటించవచ్చు.
౩.అద్దె ఇంటిలో వుండే వారు చిన్న చిన్న మొక్కలు పెంచుకోవచ్చు వాటిని ఇల్లుమారే సమయంలో మార్చటం తేలికగా వుంటుంది.

ఈ చెట్లు పెంచటానికి మీరు పడాల్సిన శ్రమ పెద్దగ ఏమి వుండదు.. రోజు మీరు ఆఫీసుకి వెళ్ళేటప్పుడు ఒక సారి దానికి నీరు పోస్తే సరిపోతుంది..చాలా వరకు వేపకి తెగులు రాదు కాని ఏమైనా వస్తే ఒక రోజు పురుగు మాడు కొట్టాలి అంతే...

మీరు చేసే ఈ చిన్న పని మీ పిల్లల భవిష్యత్తుని మార్చగలదు..నేను చెప్పను అని కాదు మీరే ఆలోచించుకోండి...మీరు మొక్కలు నాటతారు అని ఆశిస్తూ సెలవ్...

మీ నేస్తం

"తారే జమీన్ పర్ "--ఒక తమాషా

2010-03-03T15:17:00.000+05:30

చాల రోజుల క్రితం జరిగిన సంఘటన ఇది. నేను నా స్నేహితులతో కలిసి "తారే జమీన్ పర్" సినిమాకి వెళ్దాము అనుకున్నాను. మా స్నేహితులలో ఒకడు తన ప్రియురాలికి(ఇప్పుడు పెళ్లి అయ్యిపోయిందిలెండి) ఆ సినిమాకి తనతో వెళ్తాను అని చెప్పాడు అని అన్నాడు. సరే పోయేది ఏముంది ఆ అమ్మాయికి ఇబ్బంది లేక పోతే మాతో రమ్మని చెప్పాము. ఆ అమ్మాయి ఒప్పుకోవటంతో మేము ఐదుగురం ఆ అమ్మాయి మొత్తం ఆరుగురంకలిసి ఆ సినిమాకి వెళ్ళాం. సినిమా చాలా బాగుంది. నేను వాళ్లిదరి పక్కన సీటులో కూర్చున్నా. సరే కొంచెం సినిమా అయ్యాక సినిమా లో పిల్లాడిని హాస్టల్లో వదిలేసి వాళ్ళ అమ్మానాన్న వెళ్ళే సీను, అందులో నటించిన పిల్లాడు చాలా బాగా చేసాడు ఆ సన్నివేశంలో. అందులో లీనమై చూస్తూ ఎందుకో పక్కకి తిరిగా. నాకు అక్కడ చూసిన సన్నివేశానికి నవ్వు ఆగలేదు. మా స్నేహితుడు,వాడి ప్రియురాలు ఇద్దరు ఆ సన్నివేశంలో లీనమైపోయి తెగ ఏడుస్తున్నారు. వీడు ఆ అమ్మాయి చున్నీ ఒక అంచుతో తుడుచుకుంటుంటే ఆ అమ్మాయి ఇంకొక అంచుతో తుడుచుకుంటోంది. అక్కడ నించి ఆ సినిమా అయ్యే దాక ఏ విషాద సన్నివేశం వచ్చిన తెర వంక చూడాలో వెళ్ళని చూడాలో అర్ధం కాక సగం సినిమా చూడలేదు. సినిమా నించి అందరు కళ్ళు ఎర్రబడి బయటకి వస్తుంటే నేను మాత్రం పొట్ట పట్టుకొని నవ్వు కుంటూ బయటకి రావాల్సి వచ్చింది . చివరికి రెండో సారి ఒక్కడిని వెళ్లి చూడాల్సి వచ్చింది.

నా ఆటను చేడకోడుతూ వచ్చింది అది/ఆడు

2010-03-01T19:37:00.001+05:30

ఒకానొక వాన కురిసిన రాత్రి వేడిగా పకోడీలు తింటూ కమ్మగా పాత పాటలు వింటూ నేను కంప్యుటరులో జి టి ఎ ఆడుతుండగా మా రూములో ఏదో చప్పుడు అయ్యింది. అసలే రూములో పని పాడు లేకుండా ఖాళీగా ఉండేవాడిని నేనే కాబట్టి ఆడుతున్న ఆటని మధ్యలో ఆపి ఏంటా అని రూములో వెతకటానికి పోయాను. అన్ని చోట్ల వెతికాక ఏమి కనిపించక పోయే సరికి ఇది వాడి/దాని  పనే అయ్యుంటుంది అని నిర్ణయించేసుకొని మళ్ళి నా చుట్టుపక్కల నిశితంగా వెతకటం మొదలుపెట్టాను.

అలా వాడు/దాని కోసం ఏంటో వెతకగా అలిసి సొలసి ఇంకా వెతక లేక హాలులో మంచం మీద కూలపడిపోయాను. వాడిని/దానిని చంపేయాలి కాని ఎలాగా అని ఆలోచిస్తుండగా. మళ్ళి దాని/వాడి అరుపు నాకు చాలా దగ్గరలో వినిపించింది. ఆ అరుపుకి మళ్ళి నా వెతుకులాట మొదలుపెట్టి.సరిగ్గా నేను కూర్చున్న మంచం కింద పెట్టిన బూట్లలోనుంచి మళ్ళి అరుపు వచ్చింది. ఈ సారి నా కోపం బి పి మీటరుకి కూడా దొరకకుండా పెరిగిపోయింది. వెంటనే దానిని చంపటానికి కర్రతీసుకువచ్చాను.

నేను కర్ర తీసుకొని సిక్స్ కొట్టే  సచినులాగా గోలు కొట్టే ధనరాజ్ పిళ్ళై లాగా రెడీ అయ్యి బూటుని కర్రతో కొంచెం కదిపాను. ఆ కుదుపుకి మెల్లమెల్లగా బయటకి వచ్చింది/వచ్చాడు. "మియ్య్యావ్వ్వ్ మియ్యావ్వ్వ్" అని అరుచుకుంటూ ఈ మధ్యనే మా వీధిపిల్లికి పుట్టిన పిల్లిపిల్ల. మూసినా కళ్ళని నెమ్మదిగా చిట్లిస్తూ తెరుస్తోంది. దానిని అలా చూసేసరికి నా చంపాలన్న కోరికని చచ్చిపోయింది. వెంటనే దగ్గరకి తీసుకోవాలి అనిపించింది కాని మళ్ళి ఇల్లుఅలవాటు అయితే ఇబ్బంది అని భయం వేసి దానిని నెమ్మదిగా తరిమేసాను.

గమనిక: ఆ పిల్లి పిల్ల ఆడదో మగదో తెలియక అది/ఆడు అని వాడాను. మీకు నచ్చిన జాతికి చెందినదిగా భావించి  చదవగలరు

నా కవిత--ఏమి తెలుసు ప్రేమ గురించి?

2010-02-22T18:40:00.001+05:30

ఎల్లలు లేని అలలకేమి తెలుసు స్వాతంత్రం గురించి
ఎగర లేని గువ్వకేమి తెలుసు ఆకాశం గురించి
ఎండలు లేని గడ్దకేమి తెలుసు వడగాలి గురించి
మనసు లేని మనిషి కేమి తెలుసు ప్రేమ గురించి

లీడర్- నా ఆలోచనలు

2010-02-19T16:24:00.001+05:30

పేరుని చూసి నేను రానా నటించిన చిత్రం గురించి మాట్లాడుతున్నాను అని పొరబడద్దు. నా బ్లాగు పేరుకి న్యాయం చేద్దాము అని లీడర్ అన్న వాడి మీద నా ఆలోచనలని చెప్పటానికి ప్రయత్నిస్తున్నాను.

అసలు లీడర్ అంటె ఏంటి అని ప్రశ్నించుకుంటే నాకు వచ్చిన జవాబు "నలుగురిని తన వాళ్ళుగా అనుకొని వాళ్ళు పైకి రావటానికి అహర్నిశలు కష్టపడే వాదె లీడర్" అని నాకు అనిపించింది.

ఈ లెక్కన చూస్తే మా నాన్న పెద్ద లీడర్ ఎందుకు అంటే ఇప్పటికి కూడా మా నలుగురి కోసం అహర్నిశలు కష్టపడతారు. కానీ మనం మాట్లాడుకోవాల్సినది ఈ లీడర్ గురించి కాదు. సంఘాన్ని  తనది గా భావించి సంఘం అభివృద్ధి చెందటానికి అహర్నిశలు శ్రమించేవారి గురించి.

అందరికి వరకట్నం దురాచారం అని తెలుసు కానీ దానిని ఆపటానికి ప్రయత్నించే వాళ్ళు కొందరే. నేను ఉండే హైదరాబాదు నగరం లో ప్రతీ పదిమందిలో ఏడుగురన్నా పది దాకా చదివుంటారు అని నా నమ్మకం. ఐనా నేను చూసే పది వాహనాల్లో కనీసం మూడు కూడా నిభంధనలని సరిగా పాటించరు. అందరూ చదివిన వాళ్ళే కాని వాళ్ళకి నిభంధనలని పాటించాలి అన్న బుద్ధి ఉండదు ఎందుకు?

చాలా రోజులు పైన ప్రశ్న నన్ను వేధించింది. ఈ మధ్యనే నాకు దాని సమాధానం తెలిసింది.ప్రజలందరూ బావిలో కప్పలాంటి వాళ్ళు వాళ్ళ కి కనిపించే గోడని దాటి వెళ్ళరు. నేను కూడా అలాంటి ఒక కప్పనే అని నాకు అనిపించినప్పుడల్లా చాలా బాధగా వుంటుంది. సరే అని దీనికి పరిష్కారం వెతకటం మొదలుపెట్టా. అదే సమయం లో లీడర్ చిత్రం చిత్రీకరణని తెలంగాణా కార్యకర్తలు ఆపేశారు అని రానా తో "జై తెలంగాణా" చెప్పించి వదిలేశారూ అని వార్తలు వచ్చాయి . చిత్రీకరణ ఆపారు బాగుంది వాళ్ళ పోరాటం ప్రభుత్వం దృష్టికి వెళ్తుంది కాని ఆ తర్వాత "జై తెలంగాణా" చెప్పించటం వల్ల వచ్చిన లాభం తెలియట్లేదు. ఈ సంఘటన తర్వాత నాకు ఒకటి బాగా తెలిసింది. ఆ సెట్స్ మీద దాడి చేసిన మందకి సరైన నాయకుడు లేడని. దానితో పాటు మనం ఇలా బావిలో కప్పల్లా ఉండటానికి కారణం కూడా  సరైన నాయకుడు లేకనే. సరైన నాయకుడే వుంది వుంటే మనం బావిలోనే వుండేవాళ్ళం కాదు.

ఏ పోరాటానికి అయినా నాయకుడు చాలా ముఖ్యం.నాయకుడు లేని ప్రయాణం చుక్కాని లేని పడవ లాంటిది. నేను నాలో నాయకుడు ఉన్నదేమో అని చూసుకున్నాను కాని నాకు నాయకత్వపు లక్షణాలు లేవని నాకు అర్ధం అయ్యాయి. మనకి ఇప్పుడు వున్నా రాజకీయనాయకులు గాని కార్మిక నాయకులు గాని ఎవరికి నాయకత్వం మీద పూర్తి అవగాహన లేదు అనేలా ప్రవర్తిస్తున్నారు. వాళ్లకి అంట అవగాహనా వున్నా దానిని దాచేస్తున్నారు. ఒక వేళ వున్నా దానిని తోక్కిపెడుతున్నారు. స్వల్ప లాభాలకి స్వలాభాలకి  మోసపోతున్నారు.

మన రాష్ట్రానికి దేశానికీ ఒక చక్కని నాయకుడి అవసరం కొట్టొచ్చినట్టు కనిపిస్తోంది. కాని మనకి అలాంటి నాయకుడు రాలేదు.  ఎందుకు అంటే మనలోని నాయకత్వపు లక్షణాలని చిన్నప్పుడే చంపేస్తారు చదువులకి బానిసగా చేసి. కొంచెం ప్రపంచం తెలిసి మళ్ళి మనలో నాయకత్వపు లక్షణాలు పెరిగే సమయం లో సంఘం కట్టుబాట్లు అని మళ్ళి చంపేస్తారు. తర్వాత ఆ నిర్లిప్తత అలా మనసులో ఉండిపోతుంది. దయచేసి అలాంటి వాళ్ళు ఆ నిర్లిప్తత వదిలి పోరాడండి.తల్లితండ్రులు కూడా తమ పిల్లలని రాజకీయాలకి ప్రోత్సహించండి. చక్కని పెంపకం లో పెరిగే నాయకుడు చక్కగా రాష్ట్రాన్ని నడపగలడు.

చివరిగా నాకు అర్ధం అయ్యింది ఏంటంటే మన దేశం లో నాయకుల కొరత లేనేలేదు కాని నాయకుడిని గుర్తించే ఊపిక తీరిక పెద్దలకి ఉండట్లేదు లేక వాళ్ళు గుర్తించినా వాళ్ళని రాజకీయానికి పంపట్లేదు.భయం వల్లనో మరే ఇతర కారణం వల్లనో వాళ్ళని తల్లితండ్రులు నాయకులలోని నాయకత్వపు లక్షణాలని చంపేస్తున్నారు. అందుకే మనం ఇలానే ఉంటున్నాం. మనం(జనం ) కూడా ఒక మంచి కారణానికి పోరాటం చేస్తుంటే కానీస బాధ్యతగా సహకరించము. గుడ్డిగా ఎవడో తలక మాసిన రాజకీయనాయకుడు సమ్మెలు ధర్నాలు చేస్తుంటే వాళ్ళకి సహకరిస్తాము ఎందుకు అంటే వాడికి బలం వుంది బలగం వుంది అన్న భయం. అందరు దానినుంచి బయటకి రావాలి మన దేశం లో కూడా మళ్ళి మంచి నాయకులు రావాలి అని ఆశిస్తూ ముగిస్తున్నాను

ఈ టపాలో మిమ్మల్ని బాగా విసిగించి వుంటే క్షమించండి

జైహింద్

సుబ్బారావు vs సుబ్బలక్ష్మి--ఆపేస్తున్నాను

2010-02-09T14:49:00.001+05:30

కొన్ని అనివార్య కారణాల వల్ల నా కధ "సుబ్బారావు vs సుబ్బలక్ష్మి" రాయటం నిలిపివేయవలసివచ్చింది. దయ చేసి క్షమించగలరు

నేను.... నా క్లయింటు.... నా పాట్లు

2009-11-19T14:42:00.004+05:30

సమయం: సాయంత్రం 6:15
ప్రదేశం: మా కారాగారం శిఖరాగ్రం (ఆఫీసు పైన ఉన్న ఖాళీ ప్రదేశం)

అప్పటి దాకా మా ఆఫీసువాళ్ళు పెట్టే ఫలహారం తినేసి ప్రశాంతంగా  నాగర్జునా ఢాన్సులాగా పడాదామా వద్దా అని వాన ఆలోచిస్తుండగా హాయిగా ప్రకృతి ని ఆస్వాదిస్తున్నాను. ఇంతలో నా సెల్లు నా పరవశానికి భంగం కలిగిస్తూ నా కాలు గడగడ లాడించింది (నిశబ్దంలో పెట్టాను ) ఏ వెధవ సొల్లు చెప్పటానికి చేసాడా అని చిరాగ్గా దాని వంక చూసాను. "వారపు పని చిట్టా" (వీక్లి స్టేటస్ రిపొర్ట్ ) చెప్పటానికి సమయమయ్యింది అని నా సెల్లు గంట మొగించి చెప్తొంది.

నాకు ఎక్కడ లేని బాధ ఇంకా వెంటనే పాకిస్తానుకి కాని తాలిబాను కి గాని వెళ్ళి కొంచెం ఎక్కువ ఖర్చు అయినా సరే ఒక "ఆత్మాహుతి దళ" యెధుడిని తెచ్చి మా క్లయింట్ మీదకి వదలాలి అన్నంత కోపం వచ్చింది. కానీ వాడి ఉప్పు తింటున్నాను అని గుర్తొచ్చి నా మనసుని, దాంట్లో  కోపాన్ని "గొద్రేజ్" బీరువాలో దాచేసి "స్వాతిముత్యం" కమల్ హాసన్ నవ్వు ఒకటి మొహాన పులుముకొని "సమావేశపు గదికి"(కాన్ఫరెన్స్ రూమూ) వచ్చాను. అక్కడ పొరాటానికి సిద్దమవుతున్న సైనికుడు తన అస్త్రాలు సరిచూసుకుంటునట్టు మా లీడు "లాపుటాపు" సర్దుతున్నాడు.

ఈ రోజు ఎంతసేపు బుర్ర తింటాడో అని గుండెల్లో భయంగా వున్నా పైకి మాత్రం అందరితో సరదాగా మాట్లాడుతున్నా. ఇంతలో ఆ శుభగడియలు రానే వచ్చాయి. మా లీడు ఫొను కలిపాడు కాసేపు అర్ధం కాని భాషలో అమ్మనాబూతులు తిట్టించుకున్నాక కొన్ని మీటలు నొక్కితే మా క్లయింటు లైనులోకి వచ్చాడు.

వస్తూవస్తూనే సుడిగాలిని తలపిస్తూ "HOWDY.. HOWDY..." ఒక అరుపు అరిచాడు

దానికి అర్ధం ఏంటో తెలియకపోయినా పూర్వానుభవం వల్ల వాడు మేము ఎలా వున్నామో అని అడుగుతున్నడు అని అర్ధం చేసుకున్నాము. "బాగానే ఉన్నాము" అని ఆంగ్లంలో చెప్పాము. కానీ మనసులో మాత్రం "మా ఖర్మ కొద్ది నీ దగ్గర పడ్డాము" అని అనుకున్నాను

ఎంతైనా భారతీయులం మన సంస్కారమెలా మర్చిపోతామని "HOW R U *****" అని అడిగాము. దానికి వాడు "SUPERB" అన్నాడు. వెంటనే మాకు మూడింది అని రాత్రికి నిశాచరులని కలవక తప్పదని అర్ధమైపోయింది

జరగాల్సిన నష్టం ఎటూ జరిగిపొయింది ఇంకా నష్టం జరగకుండా చూడాలి అని వెంటనే నష్టనివారణ చర్యలు మొదలుపెట్టము. వాడికి అవకాశం ఇస్తే ఎక్కడ సొల్లు మొదలు పెడతాడో అని తుపాకి పేల్చగానే పరిగెత్తే ఉసియన్ బోల్ట్ లాగా మా మా లీడు "SHALL WE START WITH PLAN FOR CALL *****" అని అన్నాడు.

క్ల: "SURE........."

వెంటనే మొదటి దశలో సొల్లు తగ్గించిన మా లీడులో నాకు ముక్కొటి దేవతలు మూకుమ్మడిగా కనిపించారు. కాని మనసులో ఏదో మూల పొద్దునే స్కూలుకెళ్ళే పిల్లాడి లాగా నేను నా భుజాన ల్యాపుటాపు సంచి తగిలించుకొని సాయంత్రం 9:00 కి చూడబొయే 2012 ని తలుచుకుంటూ వస్తుండగా పక్కింటాళ్ళ పిచ్చి కుక్క ఎదురింటాళ్ళ నల్ల పిల్లి కలిసి సరదాగా వాకింగు చేస్తూ నాకు ఎదురు వచ్చాయే అయినా వీడు సొల్లు మొదలెట్టలేదు అని ఆనందిస్తుండగా

క్ల: "BUT I WANT US TO DO A SHORT BRAINSTROMING TODAY AFTER UR POINTS........." అన్నాడు

వెంటనే నా ఆత్మారాముడు నిద్రలేచి "ఛీ వెధవా!! జల్సా లో సునీలు లాగ నీకు ఏది సరిగ్గావినే అలవాటు లేదు... నీ ఆత్మారాముడిగా నీ బాధలు భరించలేక పొతున్నా అని నోటికొచ్చినవి కొన్ని రానివి కొన్ని తిట్టేసాడు"

వీడి తిట్ల కంటే మా క్లయింటు తిట్లే మేలు వాడు ఏమి తిట్టినా సగం అర్ధం కావని నా ఆత్మారాముడికి జో కొట్టి వాడి మాటల మీద దృష్టి పెట్టాను.

మా లీడు ఆరంభశూరత్వాన్ని కొనసాగిస్తూ మేమూ ఈ వారము చేసిన పనులన్ని వాడికి ఏకరువు పెట్టుకుంటున్నాడు. సరే ఈ సునామి త్వరలో నా మీదకి వస్తుంది అని బ్యాటింగ్ కి వచ్చేముందు వ్యాయామాలు చేసి దిగినట్టు ఒక్క సారి నేను ఈ వారం చేసినవన్నీ నేమరువేసుకుంటున్నా.. ఈలోగా నా వంతు వచ్చేసింది. నేను అనుకున్నవన్నీ చిన్నప్పుడు పాఠాలు అప్పచెప్పిన అనుభవంకొద్ది గడగడ అప్పచేప్పేసా.

"WELL...I APPRECIATE YOU EFFORTS BUT CAN YOU REPEAT IT ONCE AGAIN" అన్నాడు వాడు.

అరకిలోమీటరు పరిగెత్తి అక్తర్ బంతి విసిరితే అంగుళం కూడా కదలకుండా బంతిని ఆపిన ద్రావిడ్ మీద అక్తర్ కి ఎందుకు కోపం వచ్చిందో నాకు  అప్పుడు అర్ధం అయ్యింది. చేసేది లేక నేను నా పాఠం నెమ్మదిగా అప్పచేప్పాను.

"GREAT!!!.." అన్నాడు వాడు

హమయ్య!!! ఈ రోజుకి బ్రతికి పోయాను అని అనుకున్నా మనసులో. మిగితా వాళ్ళ పాఠం వింటుండగా నాకు కాస్త కునుకు పట్టింది. నిద్రపోతుంటే కలలో మా క్లయింటు అరుంధతి లో అఘోరా వేషం వేసుకొని నా బుర్రని సాయంత్రం తిన్న దోసతో నంచుకుతింటున్నాడు. "అయ్య బాబోయ్" అని టక్కున లేచి చూసాను.

మా క్లయింటు అప్పుడే వాడి కాఫీ తెచ్చుకొని మమ్మల్ని ఊరించే ప్రయత్నమో లేక సహజ తత్త్వమో తెలియదు కాని "బొమ్మరిల్లు" హాసిని లాగా గట్టిగా జుర్రుకుంటూ తాగుతున్నాడు. నాకు తిన్న అల్పాహారం అరిగిపోయి కడుపులో ఏనుగులు పరిగెడుతున్నాయి. "నీ కాఫీలో కందిరీగ కూలా అని" మనసులో అనుకుంటూ దీనంగా గడియారం వంక చూసాను. అప్పటికే చిన్న ముల్లు ౩౦ డిగ్రీలు తిరిగేసింది(గంట గడిచింది అని నా కపిహృదయం ) ఇంకా వదలట్లేదు.

అప్పటికే అందరు ఏమి చేసారో ఏమి చేయబోతున్నారో చెప్పేశారు ఇంకా వెళ్ళచ్చు అనుకుంటుండగా "OK now lets start brainstroming on %^*(@@^&!&!**@^@#%#^&"  ఐదు నిముషాలు ఊదరగొట్టి "LETS SHARE OUR VIEWS" అన్నాడు .

మనకి ఇచ్చిన అంశం మీద అవగాహన వున్నా లేకున్నా మాట్లాడటం "గుంపు సంభాషణలలో"(గ్రూపు డిస్కషన్) అలవాటే కాబట్టి ఉత్సాహం ఆపుకోలేక "IN MY VIEW....." అని ఏదో వాగేశా.

"YEAH THATS AN EXCELLENT THOUGHT BUT HOW CAN THIS FIT....." అంటూ దొరికారురా ఇంకా నాకు "నిన్ను వదల బొమ్మలి వదలా" అని వాడి స్టైల్ లో వాడు బుర్రలో  గుజ్జు తాగే కార్యక్రమంలో మునిగిపోయాడు.

పొద్దున్న కనిపించిన పిల్లి కుక్క గుర్తొచ్చి ఇంకో ఇద్దరు యోధుల్ని కూడా కొనాలి వాటికోసం అని అనుకుంటూ చుట్టూ చూసాను. అందరు నా వంక వాడి మానన వాడు ఏదో చెప్తుంటే ఎందుకురా నువ్వు మధ్యలో మాట్లాడవు (మరీ ఇంత సాత్వికం గా కాదు కాని అన్ని రాస్తే బాగోదు అని రాయట్లేదు) అనట్టు చూస్తున్నారు.

ఇంకా ఏమాత్రం ఆలస్యం చేసినా సరే సమరసింహారెడ్డి సినిమా లాగా నన్ను చంపటానికి ఎక్కడ స్కుటీలు, పాషను ప్లస్సులు వేసుకొని ఎక్కడ తరుముతారో  అని భయం వేసి మా లీడు వంక "అన్యదా శరణం నాస్తి" అనట్టు చూసాను.

దానికి మా లీడు నాకు పాంటు షర్టు వేసుకున్న శ్రీకృష్ణ పరమాత్ముడిలాగా నా వంక భయపడకు అని చెప్పి
"ACTUALLY ***** the intention was like #!$$%%@^&!*!" అని ఏదో సర్ది చెప్పాడు.

అలాగా చిన్న ముల్లు ఇంకో  30 డిగ్రీలు తిరిగే దాకా వాడు బుర్ర తిని వదిలితే చావు తప్పి కన్నులోట్టపోయింది లే ఫర్వాలేదు అనుకుంటూ సినీమా కి పరుగులు తీశాను.

ఇదండీ  మా క్లయింటుతో   నేను పడ్డ పాట్లలో ఒకటి.

బాలల దినోత్సవ శుభాకాంక్షలు

2009-11-13T20:28:00.000+05:30

బుడి బుడి అడుగులు ముద్దుముద్దు మాటలు
గాడిద బరువులు చదువుల బాధలు
కొతికొమచ్చి ఆటలు బాటు కోసం ఫైట్లు
స్నేహితుల ముచ్చట్లు పరీక్షల అగచాట్లు

ఒంటిపూట బడులు వణికించే పంతుళ్ళు
వేసవి సెలవలు ఊళ్ళొ పోలాలు
కక్కిన పెన్నులు చిరిగిన బ్యాగులు
ఇవేలే కళ్ళలో మెదిలే బాల్యస్మృతులు

ఏక్ నిరంజన్ పారడి

2009-11-11T14:31:00.001+05:30

హైకూ లేదు గిఫ్తు లేదు పండక్కి ఇచ్చే బోనస్ లేదు ఏక్ నిరంజన్..
లక్కు లేదు కిక్కు లేదు వేళకి ఇంటికి వెళ్లే యోగం లేదు ఏక్ నిరంజన్...
జావా రాదు... నాకు జే.స్.పి రాదు.
.నెట్ రాదు నాకు సీ# రాదు
ప్రోగ్రామింగ్ రానే రాదు,అప్రిసియేషన్ లేవులే,
ఆన్‌సైట్ చాన్సే లేదు,ప్రమోషన్ లేదులే.
సర్చింగ్ లో కింగ్ నే , నా లోకమే గూగులే..
వర్కున్నా, లేకున్నా నేనెప్పుడూ ఎహె కాంటీన్‌లో ఉంటానే..
హైకూ లేదు గిఫ్తు లేదు పండక్కి ఇచ్చే బోనస్ లేదు ఏక్ నిరంజన్..
లక్కు లేదు కిక్కు లేదు వేళకి ఇంటికి వెళ్లే యోగం లేదు ఏక్ నిరంజన్...
కేర్ ఆఫ్ క్యాంటీన్, ప్రాడక్ట్ అఫ్ బెంచ్ అవారా డాట్ కామ్.
ఏ ధమ్లో ధమ్ టన్స్ ఆఫ్ కాఫీ మనకదే గా ప్రాబ్లమ్.
అరె ప్రాజెక్ట్ పేరే తెలియదే, నాకు కోడింగ్ ఏ రాదే.
ఏ టి . ఎల్ , లీడు లేరులే.. న మెయిల్స్ ఏవో నావే...
వాచ్చావా చేశావా అని అడిగేదియేవ్వడులే. .
ఔటింగ్లు పార్తీలు అని పిలిచేవాడు ఎవ్వడే. .
సర్చింగ్ లో కింగ్ నే , నా లోకమే గూగులే..
వర్కున్నా, లేకున్నా నేనెప్పుడూఎహె కాంటీన్‌లో ఉంటానే..

హెడ్ ఇస్ ఏకింగ్,అండ్ ఇట్స్ బ్రేకింగ్ ఖాళి ఐతే అంతే,
దాట్స్ ఒకే యార్ ఛల్తా హై, ఐ హ్యావ్ ఏ శారిడాన్..
ఓ పనికి మలిన ప్రాజెక్ట్స్ కాల్స్ చేస్తాయి లే..
మన స్టైల్ లో మనమే రిజెక్ట్ చేస్తామే.

ఇవ్వాళో రేపో లా మన బ్రతుకు ఉందే..
తీసేస్తే ఇంకో కంపనీ ఉండనే ఉందే...
సర్చింగ్ లో కింగ్ నే , నా లోకమే గూగులే..
వర్కున్నా, లేకున్నా నేనెప్పుడూఎహె కాంటీన్‌లో ఉంటానే..
హైకూ లేదు గిఫ్తు లేదు పండక్కి ఇచ్చే బోనస్ లేదు ఏక్ నిరంజన్..
లక్కు లేదు కిక్కు లేదు వేళకి ఇంటికి వెళ్లే యోగం లేదు ఏక్ నిరంజన్...
గమనిక: ఇది నేను రాసింది కాదు నాకు ఎవరో పంపితే బాగుందని నా బ్లాగు లో రాశాను

సుబ్బిగాడు vs సుబ్బలక్ష్మి -3

2009-11-04T21:15:00.002+05:30

అలా సుబ్బిగాడు పెళ్లి చెడగొట్టుకోటానికి... సుబ్బలక్ష్మి ఎలాగన్నా ఈ పెళ్లి ఖాయము చేసుకోవాలి అని... రకరకాలుగా కృషి చేస్తున్నారు. ఈ ఆలోచనల మధ్యన పొద్దునే లేచి బ్యుటీ పార్లర్కి వెళ్ళి అందంగా తయారయ్యి పెళ్ళిచూపులకి సమయం మించి పోతోంది అని సుబ్బలక్ష్మి వేగంగా ఇంటికి వెళ్తోంది. అదే సమయంలో మన సుబ్బిగాడు అందంగా తయారయ్యి తన బైక్ వేసుకొని వేగంగా వస్తున్నాడు. మరుసటి రోజు పండుగ వల్లో లేక ఇంట్లో పెళ్ళాం తరిమేయటం వల్లనో కానీ మన సుబ్బిగాడి దశ బాగోక అదే సమయానికి అక్కడ ఒక ట్రాఫిక్ కానిస్టేబులు జంక్షను దగ్గర నిల్చోని బైక్‌లు ఆపుతూ మామూలు వసూలుచేస్తున్నాడు. మన సుబ్బిగాడు పెళ్ళిచూపులకి వెళ్తున్నాను అక్కడ ఆ అమ్మాయి ఎలా ఉంటుందో?? తనని వద్దని ఏవంక పెట్టాలో?? అన్న ఆలోచనలలో పడి ఎదురుగా ఉన్న కానిస్టేబుల్ని గుర్తించలేదు. అలా తన ఆలోచనలలో ఉండిపోయి రోడ్డుకి అడ్డంగా నిల్చుని మామూలు వసూల్చేస్తున్న కానిస్టేబుల్ని గుద్దెశాడు .

గుద్డాక సుబ్బారావు ఊహాలోకంనించి తేరుకొని జరిగింది ఏమిటా? అని ఒక సెకను ఆలోచించు "అయ్యా బాబోయ్!!!!" అని గావుకేక పెట్టాడు. ఆ కేక కి కింద పడ్డ కానిస్టేబుల్ కి ఏమైందో అని భయం వేసి నేలకి కరుచుకొని పోయాడు. ఇద్దరిలో మొదట తేరుకున్న సుబ్బారావ్ ఇంకా అక్కడే ఉంటే శ్రీకృష్ణ జన్మస్థానం తప్పదు అని గ్రహించి తన బైకుని వాయువేగంతో ముందుకి ఉరికించాడు. అక్కడికి కొంచెం దూరంలో హడావిడిగా ఇంటికి వస్తున్న సుబ్బలక్ష్మి ఈ సంఘటనంతా చూస్తూనే ఉన్నది. "ఫర్వాలేదు..గురుడు ముదురే" అని మనసులో అనుకోని నవ్వుకుంటూ ఇంటికి వెళ్దాము అనుకుంటుండగా తనకి ఒక్క ఆలోచన వచ్చింది అనుకున్నదే తడవుగా ఆచరించటం మొదలు సుబ్బారావు ఎంతో దూరం వెళ్లలేదు ఆ సందుచీవరనే ఇంటి అడ్రెస్ తెలియక ఎవరిని అడగాలా అని చుట్టుచూస్తున్నాడు. ఇంత పొద్దున ఎవరు రోడ్డుమీదకు వస్తారు ఏమీ చేయాలా అని ఆలోచిస్తూ ఉన్నాడు సుబ్బారావు.

"దేని కోసం అన్న వెతుకుతున్నారా" అంటూ అడిగింది సుబ్బారావుని.

అప్పటికే గాలి ఆడని ఆస్త్మా పేషెంట్లాగా కొట్టుకుంటున్న సుబ్బారావు కి సుబ్బలక్ష్మి ముఖానికి గుడ్డ కట్టుకున్న అదృష్టదేవతలాగా అనిపించింది. సుబ్బలక్ష్మి చలికి జలుబు చేయకుండా ముఖానికి గుడ్డ కట్టుకుంది. కేవలం తన కళ్ళు మాత్రమే బయటకి ఉండేట్టు ముఖానికి చున్ని కట్టెసుకుంది.

"ఇక్కడ వామనరావుగారి ఇల్లు మీకు తెలుసా?" అని అడుగుతూ గతరాత్రి తీసిన అడ్రెస్ ప్రింట్ అవుట్ ఆమె చేతిలో పెట్టాడు.

ఒక రెండు నిముషాలు మనసులో తాను చేసే పని తలుచుకొని నవ్వుకుంటూ "ఓ ఆయన ఇల్లా మీరు తప్పు సందు తిరిగారు. మీరు ఇందాక ఒక చౌరస్తా దాటి వచ్చారు కదా దాని దగ్గర కుడివైపుకి తిరగండి..." అంటూ తన ఇంటికి రావటానికి ఇంకో దోవ చెప్పింది. మామూలుగా వాళ్ల ఇంటికి వెళ్ళాలి అంటే ఒక 200 అడుగులు ముందుకి వెళ్తే సరిపోతుంది.

సుబ్బారావుకి చౌరస్తా అని చెప్పగానే ముందుగా తాను గుద్ది వచ్చిన కానిస్టేబులు గుర్తువచ్చి టక్కున "ఇంకో దోవ ఏమీ లేదా" అని నీరసంగా అడిగాడు.

సుబ్బలక్ష్మి తనలో తాను నవ్వుకుంటూ ఉంది కానీ దానికి మీరు మా ఇంటికి ఒక సారి రావాలి అని అన్నది. ఆ అమ్మాయి ఇంటికి తన అడ్రెస్ కి సంబంధం ఏంటో తెలియక వెర్రి చూపులు చూస్తుండగా అతని అవస్థ అర్ధం చేసుకున్న సుబ్బలక్ష్మి"భయపడకండి నేను మిమ్మల్ని ఏమీ కిడ్నాప్చేయను ఆ ఇంట్లో నా ఫ్రెండ్ సుబ్బలక్ష్మి ఉంటుంది ఈ రోజు దాని పెళ్లి చూపులు నన్ను కూడా రమ్మంది మీరు అటే వెళ్తాను అంటున్నారు కాబట్టి నేను కూడా కొంచెం ఫ్రెష్ అయ్యీ మీతో పాటు వస్తాను మీకు అభ్యంతరం లేకపోతేనే" అన్నది.

సుబ్బారావుకి ఏమీ చేయాలో ఏమీ చెప్పాలో తోచలేదు. ఎదురుగా అమ్మాయి తనతో వస్తాను అంటోంది. అక్కడ వెళ్లేది పెళ్ళిచూపులకి అమ్మాయితో వెళ్తే ఏమీ అనుకుంటారో? అని అనుకుంటూ "సరే పదండి" అంటూ ఆమె బండి వెనకాలే వెళ్లాడు.

"అవును మీకు ఆ ఇంటితో పని ఏంటి??" అని అడిగింది సుబ్బలక్ష్మి.

"అది నేను మీ ఫ్రెండ్ ని చూడటానికి వెళ్తున్నాను" అని చెప్పి సుబ్బలక్ష్మి రియాక్షన్ కోసం ఆమె వంక చూసాడు సుబ్బారావు

"ఓ సుబ్బులుని చేసుకోబోయేది మీరేనా..." అంటూ నవ్వేసింది

"చేసుకోబోయేది" అన్న మాట వినగానే సుబ్బారావుకి పిడుగు పడట్టు అయ్యింది "అదేంటి అలగానేశారు నేను జస్ట్ చూడటానికే వెళ్తున్నది " అని అన్నాడు.

"అంటే మా సుబ్బులుకి మీరు ఆల్‌రెడీ తెగ నచ్చేశారంట అది మిమ్మల్నే చేసుకోవాలి అననుకుంటోంది" అని చెప్పింది సుబ్బలక్ష్మి

"ఆమెకి నచ్చితే చాలా నాకు నచ్చాకర్లేదా??" అని కోపముగా అన్నాడు

"అరే అలా అని కాదు ఏదో దానికి నచ్చారు కదా అని " అని ఏదో అనబోతుంటే.

"తనకి నచ్చినా నచ్చక పోయినా నేను ఒప్పుకునేది లేదు" అని ఖరాఖండిగా చెప్పేసాడు సుబ్బిగాడు.

"అదేంటి అంత మాట అనేశారు చూడకుండానే" అని షాక్ లో బండి ఆపేసింది సుబ్బులు

సు. రా: "ఏంటి అంటే నా ఇబ్బందులు నాకు ఉన్నాయి"

సు. ల: "మరి మీరు పెళ్లి చూపులకి ఎందుకు వస్తున్నారు"
సు.రా: "అది ఒక పెద్ద కధలెండి ఇప్పుడు మీకు చెప్పెంత టైంలేదు పైగా మీకు నేను ఎందుకు చెప్పాలి?"

సు.ల: "పర్వాలేదు చెప్పండి నేను కావాలి అంటే మా సుబ్బలక్ష్మికి ఫోన్ చేసి పెళ్ళిచూపులు లేట్ అవుతాయి మీరు నాతోనే ఉన్నారు అని చెప్తాను"

సు.రా: "అసలు మీరు నాకు ఇప్పుడే పరిచయం మీకు నేను ఎందుకు చెప్పాలండి"

సు.ల: "మీరు నాకు అది చెప్తే నెను మీకు సుబ్బలక్ష్మి గురించి చాలా పెద్ద సిక్రెట్ చెప్తాను"

వెంటనే సుబ్బారావు "ఇదేదో బాగనే వుందే నా ఇబ్బంది చెప్తే నాకు వచ్చే నష్టం ఏమి లేదు కాని తన గురించి నాకు ఎంత తెలిస్తే వద్దనటానికి అంత సులభం అవుతుంది" అని మనసులో అనుకోబోయి కొంచెం గట్టిగానే అనేసాడు.

"పడ్డాడు మన వలలో పడ్డాడు" అనుకుంది సుబ్బలక్ష్మి

సు.రా: "సరే మీరు మాట మీద నిలబడాలి" అన్నడు

సు.ల: "తప్పకుండా" అన్నది

ఆ ఇబ్బంది ఏంటో త్వరలో మీ ముందుకి తెస్తాను అప్పటి వరకు సెలవు..:)

సుబ్బిగాడు vs సుబ్బలక్ష్మి -2

2009-10-26T10:29:00.002+05:30

వన్...టూ...త్రీ...జంప్..
వన్...టూ...త్రీ...జంప్..
వన్...టూ...త్రీ...జంప్..

మొఖం అంతా ముచ్చెమటలు వేసుకున్న టి-షర్ట్,ట్రాక్ పాంట్ అప్పటికే తడిసి ఆరి మళ్ళి తడవటానికి తయారుగా ఉన్నాయి. అయినా పట్టు వదలక కృషి చేస్తోంది సుబ్బలక్ష్మి. సుబ్బలక్ష్మి.. పేరు పాతది అయినా ఈ కాలం పిల్లకి వుండాల్సిన లక్షణాలు అన్ని ఉన్నాయి ఒక్క సైజ్ జీరోతప్ప. సుబ్బలక్ష్మికి అన్ని మంచి గుణాలే కాని ఎందుకో తెలియదు కానీ సుబ్బలక్ష్మికి శరీరానికి ఊబకాయం వచ్చింది.

సుబ్బలక్ష్మి మొహం చాలా కళగా అందంగా ఉంటుంది కానీ శరీరం మాత్రం ఆ మొహానికి ఏమాత్రం సంబంధం లేకుండా ఉంటుంది. డాక్టర్లకి చూపిస్తే ఎవరికీ ఈ వింత పరిణామానికి కారణం దొరకలేదు. అయినా సరే తమవంతు ప్రయత్నం చేస్తాము అని చెప్పి కొందరు డాక్టర్లు చాలా మందులు ఇచ్చారు వాటి వల్ల కలిగిన దుష్ప్రభావం వల్ల అప్పటి దాకా ఆరోగ్యంగా వుండే సుబ్బలక్ష్మి ఆరోగ్యం చెడిపొయింది. ఇంకా తండ్రిని ఇబ్బంది పెట్టటం ఇష్టంలేని సుబ్బలక్ష్మి ఇంకా ఏ డాక్టర్నీ కలవను అని మొండిగావుండి పొయింది. అప్పటికి ఆమె వయసు 12 సంవత్సరాలు.

ఇప్పుడు ఎంత లేదన్నా ఒక 95 కిలోల బరువు ఉండే సుబ్బలక్ష్మి పెళ్ళి బరువు మొయలేక తండ్రి వామనరావు ఇప్పటికి ఎక్కని బ్యూరో గడప లేదు కలవని పెళ్ళిళ్ళ పేరయ్య లేడు. మమూలుగా పుచ్చుకునేదానికి పదింతలు ఎక్కువ తీసుకొని ఒక పది సంబంధాలు చూపించాడు ఒక పెళ్ళిళ్ళ పేరయ్య. అందరికీ సుబ్బలక్ష్మి క్లోజ్-అప్ లో తీసిన ఫోటోలు చూపించారు తీరా పెళ్ళి చూపులలో పిల్లని చూసి అందరూ వద్దని నచ్చలేదు అని చెప్పేసారు. ఆ అవమానాన్ని తట్టుకోలేక చాలా బాధపడిన సుబ్బలక్ష్మి తండ్రిని ఒక సంవత్సరం పెళ్ళికి ఆగమని చెప్పి నగరంలో వున్న అన్ని బ్యూటీ పార్లర్లు , ఫిట్ నెస్ సెంటర్లు తిరిగింది కానీ పెద్ద ప్రయొజనం లేక పోయింది.

ఈ ఒక్క ఇబ్బంది తప్పించి సుబ్బలక్ష్మికి అన్ని బాగానే వున్నయి. ఇంజినీరింగ్లో యునివర్సిటీ ఫస్ట్. ఒక పెద్ద సాప్ట్ వేరు కంపేనీ లో మానవవనరుల శాఖ( హెచ్. ఆర్) లో పని చేస్తోంది. జీతం నెలకి 50 వేలు. తండ్రికి చాలా ఆస్తివున్న ఇంట్లో మూడు కార్లు ఉన్నా తన సంపాదనతో కొనుకున్న హొండా-ఎక్టివా మీదనే వెళ్తుంది.

తనను పెళ్ళి చేసుకోబొయేవాడు తన ఆస్తిని చూసి ఆశపడో తన మొహం మాత్రమే చూసి మొసపోయో చేసుకోకూడదు. తనని, తన మనసుని పూర్తిగా తెలుసుకొని తర్వాత పెళ్ళి చేసుకోవాలి అని సుబ్బలక్ష్మి కోరిక. కానీ తండ్రి కష్టాలు చూడలేక అన్ని వదిలేసి ఈ సారి వచ్చేవాడికి ఓకే చెప్పేయాలి అని ..అలాగే వాడికి నచ్చేలా అవ్వాలి అని నిర్ణయించుకుంది.

దానికోసం తను గత వారంగా భోజనం మానేసి పచ్చి కూరలు ఫలాలు తింటూ రోజూ 10 గంటలు వ్యాయామాలు చేస్తూ చాలా కష్టపడుతోంది. ఈ పెళ్ళికొడుకు ఫొటోని చూసినప్పుడే కొంచెం నచ్చేసాడు. మొన్న మీటింగ్ వల్ల పెళ్ళిచూపులు అబ్బాయి పొద్దున పెడదాము అంటున్నడు అని వామనరావు చెప్తే పని మీద అతనికి ఉన్న శ్రద్ద ఇంకొంచెం ఇష్టాన్ని పెంచింది. ఇప్పుడు అతను వచ్చి ఒక్కసారి నచ్చింది అని చెప్తే తాళి కట్టించేసుకుందాము అని అనుకుంటోంది సుబ్బలక్ష్మి. కానీ మనసులో ఒక మూల మాత్రం తనతో ఒక 2 వారాల పాటు మాట్లాడి తన అలవాట్లు అభిరుచులు తెలుసుకోవాలి అన్న భావం కూడా కలిగింది.

ఏమి చేయాలన్నది ఇంకా అలోచించకముందే పెళ్ళిచూపుల రోజూ రానే వచ్చింది. తెల్లవారు జామున ఆరింటికే అబ్బాయి వస్తాడు అని తెలుసు కబట్టి అంతకి ముందు రోజునే బ్యూటీ పార్లర్ కి వెళ్ళి ఫేషియల్ చేయించుకుంది. వాళ్ళకి పెళ్ళిచూపులు రేపు పొద్దునే అని చెప్తే మీరు పొద్దున 5 కి వస్తే ఇంకో ఫేషియల్ చేస్తాము అన్నారు.
ఇప్పుడు పొద్దునే మూడింటికి నిద్ర లేచి ఎక్సర్ సైజులు చేస్తోంది. టైము పావు తక్కువ ఐదు అవ్వగానే బండి తీసుకొని పార్లర్ కి బయలుదేరింది

మిగితా కధ త్వరలో...

సుబ్బిగాడు vs సుబ్బలక్ష్మి

2009-10-23T19:47:00.001+05:30

కౌసల్యా సుప్రజా! రామ! పూర్వా సంధ్యా ప్రవర్తతే
ఉత్తిష్ఠ నరశార్దులా! కర్తవ్యం దైవమాహ్నికం...

తెలతెల్లవారుతోంది రాత్రి చూసిన సినిమా ఇంకా గుర్తు వస్తూ ఉంది మన హీరో సుబ్బారావుకి. సుబ్బారావు ముద్దుగా సుబ్బిగాడు ఒక పెద్ద సాఫ్టువేరు కంపెనీలో చిన్న ఉద్యోగం చేస్తున్నాడు. నెలతిరిగే సరికి అర లక్షజీతం దానితో పాటు అరకిలో బరువు బిల్లులు వస్తాయి. అవి కట్టుకునే సరికి సుబ్బిగాడి ఖాతాలో అణా కూడా మిగలదు. అందుకే సుబ్బిగాడు వయస్సు మూడుపదులు దాటుతున్నా పెళ్ళి మాట ఎత్తలేదు ఇంట్లో. కానీ సుబ్బిగాడి అమ్మ నాన్న మాత్రం గత 3 ఏళ్ళుగా వాడికి పెళ్ళికూతురుని వెతికేపనిలొనే ఉన్నారు.

సుబ్బిగాడు ఏజి 30+ అయినా కనిపించటానికి 25 లాగనే వుంటాడు. ఈ రోజు వాదికి 100వ పెళ్ళిచూపులు ఈ సారన్నా సుబ్బిగాడు ఓకే అనాలి అని వాడి అమ్మనాన్న మొక్కని దేవుడు లేడు ఎక్కని గుడిమెట్లు లేవు. ఈ పెళ్ళిచూపులు ఎలగన్నా తప్పించుకోవాలి అని మన సుబ్బిగాడు చాలా ప్రయత్నాలు చేసాడు కానీ ఏది పనికి రాలేదు పైగా అందులో ఒకటి బెడిసికొట్టి సాయంత్రం ఆరింటికి జరగాల్సిన పెళ్ళిచూపులని పొద్దున ఆరింటికి మారేటట్టు చేసింది. ఇందాక మీరు చదివిన ఆ సుప్రభాతం మన సుబ్బిగాడి అలారం సౌండే..

పొద్దుపొద్దునే ఈ పాడు పెళ్ళిచూపులు ఏంటిరా దేవుడా అంటూ బద్ధకంగా లేచాడు మనసుబ్బిగాడు. లేచి సెల్లులో టైము చూస్తున్నాడు వెంటనే వచ్చింది పల్లెటురులో ఉన్న అమ్మనాన్నలనించి ఫోను

"అరేయ్ బడుద్దాయ్! లేచావా లేదా నిన్న చెప్పింది అంతా గుర్తున్నది కదా మంచిగా గెడ్డం చేసుకో.. పొయిన సారి పెళ్ళి చూపులకి వేసుకున్నావే అలాంటి నవ్వారు గుడ్డలు వేసుకోకుండా" అని ఎదో చెప్పబోయాడు సుబ్బరావు తండ్రి అప్పారావు. కాని దానిని మధ్యలోనే ఆపేస్తూ

"వాటిని జీన్స్ అంటారు మీరు చెప్పే నవ్వారుకి దీనికి చాలా తేడా వుంది అయినా పోయిన సారి నేను వేసుకు వచ్చింది బ్రాండెడ్ జీన్స్ తెలుసా మీకు" అని గట్టిగా అరిచాడు మన సుబ్బిగాడు.

మీకు చెప్పటం మర్చిపొయాను మన సుబ్బిగాడికి వచ్చిన ఆ అరకిలో బిల్లులు ఏవో లోనువి అని పొరబడేరు అవన్ని మన సుబ్బిగాడి బట్టలకీ ఇంకా మిగితా సరంజామా కొనటానికి గీకిన క్రెడిట్ కార్డుల తాలూకా బిల్లులు. అలాగని సుబ్బిగాడు మరీ దుబారా అనుకోకండి ప్రతీ నెలా తన దగ్గర వున్న డజను కార్దులలో ఒక దానిని ఎంచుకొని దాని లిమిట్ వచ్చేదాకానే షాపింగ్ చేస్తాడు.

"ఏదో ఒక దరిద్రంలే ఈ సారన్నా ఆ పిల్ల నచ్చింది అని చెప్పరా నీచేత ఆ మూడు ముళ్ళు వేయించేసి ఇంక మేము ధైర్యంగా వరల్ద్ టూరు కి వెళ్ళచ్చు" అన్నదు అప్పరావు.

తండ్రి కంగారు తన పెళ్ళి మీదా లేదా టూరు మీదా అన్న మీమంసలోనే "సరే" అని చెప్పి ఫోను పెట్టేశాడు.
ఈ సారి ఎలా పెళ్ళిచూపులు చెడగొట్టాలా? అని అలోచిస్తుండగా కాలింగ్ బెల్లు మొగింది. ఈ టైములో ఎవరా? అని చిరాకుగా తలుపు తలుపు తీసాడు. ఎదురుగా నుంచున్న వ్యక్తి తలుపు తేరవగానే "సాబ్ చెత్త డబ్బుల్" అన్నాడు.
పొద్దుపొద్దునే ఈ చెత్త గోల ఏంటి అని గొణుకుంటూ జేబులోంచి ఒక 20 నోటు తీసి అతనికి ఇచ్చి తలుపు వేసేసాడు. ఎంత ఇష్టంలేకున్నా వెళ్ళేది పెళ్ళిచూపులకి కదా. అసలే అలిండియా సోలో అందగాడిని అనుకుంటూ ఒకసారి కొత్తగా ఈమధ్యనే కొన్న నిలువుటద్దం ముందు నిల్చున్నాడు. ఒక సెకను చూసుకున్నడో లేడో మళ్ళీ కాలింగు బెల్లు మోగింది. ఈసారి ఎవడురా? అని చిరాగ్గా తలుపు తెరిచాడు ఎదురుగా మన సుబ్బిగాడి రూముమేట్ బాబిగాడు కనిపించాడు.

బాబి ఒక కాల్ సెంటర్లో పని చేస్తాడు. వాడు రోజూ సురీడు నిద్రపోగానే వెళ్ళి నిద్రలేచే లోపు తిరిగొస్తుంటాడు. పేరుకి ఇద్దరూ ఒకే రూము కానీ ఇద్దరూ కలిసి ఒక 10 నిముషాలు మాట్లాడేది నెలకి ఒకట్రెండు సార్లు మించదు.
ఈ రోజుకి నేను కేవలం మన హీరో సుబ్బిగాడి పరిచయం చేయగలిగాను త్వరలో మీకు సుబ్బలక్ష్మిని పరిచయం చేస్తాను. సమయాభావం వల్ల ఇలాగా కధని ముక్కలు చేసి రాస్తున్నాను

బ్లాగర్లందరికీ నా మనవి

2009-10-22T16:44:00.001+05:30

బ్లాగర్లందరికీ నా ప్రార్ధన నేను ఈ బ్లాగు ప్రపంచంలో కొత్తగా వచ్చాను కాని ఇక్కడ చాల మంది చాల రోజులనించి రాస్తున్నరు. మీరందరూ కూడా నా కింది తపా కొంచెం ఓపిక చేసుకొని చదివి మీకు నచ్చినంత సహాయం ఇచ్చి ఈ కార్యక్రమన్ని గురించి ఒక రెండు ముక్కలు మీ బ్లాగులో రాయంది అని నా సవినయ మనవి.

ఆపరేషన్ సహాయ--మీ సహాయసహకారాల కావలెను

2009-10-22T15:57:00.001+05:30

"ఆపరేషన్ సహాయ" అనేది నిర్మాన్ అనే స్వచ్చంధ సేవా సంస్థ వారు వరద బాధితుల కోసం మొదలు పెట్టిన కార్యక్రమం. ఈ కార్యక్రమం ద్వారా 100 కుటుంబాలకి ఉపాధి కలిపించాలి అని ప్రయత్నిస్తున్నారు. ఈ కార్యక్రమము నిర్వహించటానికి మీకు తోచినంత ఆర్ధికసహాయం అందించి బాధితుల జీవితలలో వెలుగు నింపాలి పాఠకులందరికీ మనవి చేసుకుంటున్నాను. మీరు సహయం చేయాలి అనుకుంటే నన్ను సంప్రదించండి లేక పొతే ఈ లంకెలో పేర్కొన్న విధంగా చెయండి
http://www.nirmaan.org/os/floodrelief.html

ఇక వివరాలలోకి వెళ్తే....
మనందరికీ తెలుసు ఆంధ్రప్రదేశ్ మరియు కర్నాటక రాష్ట్రలలో వరద చేసిన బీభత్సం. ఈ వరద వల్ల తమ సర్వస్వం కోల్పొయిన వారు ఎంతో మంది ఉన్నారు. వారికి ప్రభుత్వం సహయం అందచేయటానికి ప్రయత్నిస్తోంది కాని అందరికీ ప్రభుత్వం సహకారం లభించటం కష్టం. మన ప్రభుత్వోద్యోగుల సంగతి మీకు తెలిసిందే పని చేసేవారు ఎంత మందుంతారొ పని చేయని వాళ్ళు కూడా అంతమందే ఉంటారు. ఈ కారణాలు అన్ని దృష్టిలొ పెట్టుకొని నిర్మాన్ వారు ఈ కార్యక్రమాన్ని మొదలు పెట్టారు.

కర్నూల్ జిల్లాలోని నిడ్జూరు మరియు సింగవరం అనే గ్రామాలు వరద సమయంలో పూర్తిగా నీటమునిగాయి. ఇప్పటికి కూడా వరద తగ్గి పక్షం పైనైనా ఇంకా చాలా మంది జనం తమతమ ఇళ్ళలోకి వెళ్ళలేకున్నారు. ఆ గ్రామాలలో చాలా మంది వ్యవసాయం పాడి మీద బ్రతుకుతారు. ఇప్పుడు వాళ్ళు తమ సర్వస్వం పోగొట్టుకున్నారు. ఇలంటివారందరికి సహాయం అందించటం నిర్మాన్ అభిమతం కాని అందరికి సహయం అందించే ఆర్ధిక స్థొమత లేనందున చందాలు పోగుచేసి కనీసం ఒక 100 కుటుంబాలకైనా బ్రతుకుతెరువు చూపించాలి అని ప్రయత్నిస్తున్నది.

ఇప్పుడు మీరు ఇచ్చె చందాలతో వారికి కుట్టు మిషన్లు, ఆవులు గేదేలు వంటివి ఇచ్చి వారికి ఒక బ్రతుకుతెరువు చూపించటం జరుగుతుంది. కావునా మీరు అందరూ విసాల హృదయంతో ఈ బృహత్కార్యాన్ని విజయవంతం చేయ ప్రార్ధన.

మీకు చెప్పటం మరిచాను నేను నిర్మాన్ లో ఒక సభ్యుడిని. మీకు ఏమన్న సందేహాలు వున్న సమాచారం కావాలి అన్నా నన్ను అడగచ్చు.

దీపావళి శుభాకాంక్షలు

2009-10-17T11:49:00.002+05:30

పాఠకులందరూ ఈ దీపావళి చాలా సరదాగా మరియు శ్రద్ధ గా జరుపుకోవాలి అని ఆశిస్తూ మీ నేస్తం:)

నా అనుభవం -- వరద బాధితుల సహయం

2009-10-12T15:37:00.002+05:30

చాలా రోజులయింది మీతో మాట్లాడి పనివత్తిడి వల్ల బ్లాగులో రాయటం కుదరట్లేదు. ఈ రోజు ఎలాగన్నా సరే మిమ్మల్ని పలకరించాలి అని గట్టిగా అనుకున్నాను.

ఈ మధ్య కాలంలో మీకు చెప్పగలిగిన సంఘటనలు చాలనే చోటు చేసుకున్నాయి కానీ సమయాభావం వల్ల అవన్ని రాయలేకున్నాను. ఐతే వాటన్నిటిలోకి ముఖ్యమైన సంఘటన చెప్తాను వినండి. నేను గత శనివారం కర్నూల్ దగ్గర వున్న పంచలింగాల అనె గ్రామానికి వరద బాధితులకి సహయం చేద్దాము అని వెళ్ళాను. మా సంస్థ వారే ఈ కార్యక్రమాన్ని చేపట్టారు. మేము మొత్తం 30 మంది సహోద్యోగులం కలిసి వారికి పంచే బాధ్యత తీసుకున్నాము. మా సంస్థ లొ పని చెసె 150 మంది దాక ఉద్యోగులు ఒక రోజు జీతం ఈ కార్యక్రమానికి విరాళంగా ఇచ్చారు. అలగే మా సంస్థాధినేత కూడా సంస్థ తరుఫున ఉద్యొగులు ఇచ్చిన దానికి రెండింతలు చందాగా ఇచ్చారు.

ఈ డబ్బులతో మేము ఒక వెయ్యి కుటుంబాలకి నిత్యవసర సమాన్లు ఇద్దాము అని తీసుకెళ్ళము. గతంలో ఎవరికి ఇలంతి కార్యక్రమము చేసిన అనుభవం లేకపోవటంతో మేము ఒక వ్యుహం రూపొందించటానికి వివిధ వ్యక్తుల మరియు సంస్థల ల సలహాలు సూచనలు విన్న పిమ్మట క్రింది వ్యుహం ఆచరిద్దాము అని అనుకున్నాము.
ఆ వ్యుహం ఏంటంటే అక్కడ వుండే కొంతమంది గ్రామస్తుల సహకారంతో అందరి ఇళ్ళకి వెళ్ళి వాళ్ళకి మా సంస్థ ముద్ర వున్న చీటి ఒకటి ఇచ్చి ఒక బహిరంగ ప్రదేశానికి ఒక గంత తర్వాత రమ్మని చెప్పాము. అక్కద చీటి ఇచ్చన వారికి మేము ముందుగానే తయారు చేసుకున్న నిత్యావసరసమాన్లను ఇచ్చాము. ఈ రకం గా పంపిణీ చేయటం వల్ల మాకు చాలా గొడవ తగ్గింది మరియు సాధ్యమైనన్ని ఏక్కువ కుటుంబాలకు సహాయం చేసామన్న తృప్తి మాకు మిగిలింది. అక్కడ ఊరిలో వారి పరిస్థితి తలుచుకుంటె చాలా భాదగా అనిపిస్తుంది. ఆ ఊరు వరదల్లో పూర్తిగా మునిగిపొయిన వాటిలో ఒకటి. అందరిళ్ళలోనూ కనీసం ఒక అడుగులోతు బురద. కొందరి ఇళ్ళలోనైతే మూడునాలుగడుగుల లోతు బురద. భరించలేనంత దుర్వాసన. అందులోనే వాళ్ళు తమతమ ఇల్లు ని శుభ్రం చేసుకుంటున్నారు. వాళ్ళ ప్రభుత్వమ్నించి ఎటువంటి సహాయం అందలేదు అని చెప్తున్నారు. అక్కడ విద్యుత్ ఇంకా రావట్లెదు. చాలా ఇళ్ళు వరదలో పాక్షికంగా దెబ్బతిన్నాయి. అక్కడి వారికి కొన్ని సంస్థలు సహాయానికి వచ్చినా వాళ్ళు ఒక కూడలిలో బండి ఆపి పంపిణీ చేయటంవల్ల అందరికి చేరటం లేదు.

ఇంకా చాలా విషయాలే ఉన్నయి కానీ సమయాభావం చేత ముగిస్తున్నాను. చివరిగా మీకు నా విన్నపం మీరు కూడా వరద భాదితులకి చేతనైనంత సహాయం చేయండి. మీరె ఈ సహయం ఏ రూపంలోనన్నా చేయచ్చు. మీకు చేయలి అని నున్నా ఎవరికి ఇవ్వాలి అని తెలియక పొతే నాకు చెప్పండి నేను మీరుండే ప్రదేశన్ని బట్టి ఎలా సహాయం చేయగలరో వివరాలు సేకరించి మీకు అందిస్తాను. లేదు మీరు మీ విరాళమేదన్నా స్వచ్ఛంద సంస్థ ద్వారా ఇద్దాము అనుకుంటే నాకు తెలిసిన ఒక సంస్థ వుంది దాని పెరు "నిర్మాన్" మీరు మీ విరాళం దానికివచ్చు. నిర్మాన్ గురించి మరిన్ని వివరాలు తెలుసుకోటానికి ఈ లంకెను వీక్షించండి http://www.nirmaan.org/

నేను తీసిన చిత్రపటములు

2009-10-03T19:24:00.002+05:30

తులసి పువ్వులపై తూనీగ

ఓం నమః శివాయ...మా ఊరి దేవాలయం దగ్గర తీసిన చిత్రం

కష్టసుఖాల కలయికే ఈ జీవితం. నీ జీవితం లో ఎన్నో లోటుపాటులు ఉంటాయి అని గుర్తు చేసే చిత్రం

గడ్డి పువ్వు

గాంధి జయంతి శుభాకాంక్షలు

2009-10-03T19:14:00.001+05:30

(మొన్ననే ఆంధ్రప్రదేశ్ అసెంబ్లి దగ్గర తీసిన చిత్రపటము)

రఘుపతి రాఘవ రాజారాం

పతీత పావన సీతారాం

ఈశ్వర అల్లా తేరేనాం

సబ్ కో సన్మతిదే భగవాన్

విజయదశమి శుభాకాంక్షలు

2009-09-24T06:15:00.000+05:30

నా హిందూ సోదరులందరికీ విజయదశమి శుభాకాంక్షలు. ఈ సందర్భంగ దసరా గురించి రెండు ముక్కలు.

విజయదశమికి గల మరిన్ని పేర్లు

దసరా
దుర్గ నవరాత్రి
దుర్గోత్సవం

విజయదశమి ఎప్పుడు చేస్తారు

తెలుగు నెలల ప్రకారం ఆశ్వియుజ మాసము శుక్లపక్షములో దసరా నవరాత్రులు జరుగుతాయి. ఈ నవరాత్రులలో ముఖ్యమైనవి 8,9 మరియు 10 రోజులు. ఈ రోజులని కొన్ని చోట్ల దుర్గాష్టమి, నవరాత్రి మరియు విజయదశమి/దసరా అందురు

విజయదశమి ప్రత్యేకత ఏమిటి?

దసరా భారత్ మరియు నేపాల్ లో లొ హిందువులు జరుపుకొను పండుగలలో ముఖ్యమైనది. ఈ పండుగ గురించి చాలా కధలు ప్రచారంలో ఉన్నవి. వాటిలో కొన్ని మీ కోసం:

1) భారతదేశంలో వ్యవసాయం మొదలుపెట్టు సమయం ఇది కాబట్టి తమతమ పైరుని రక్షించమని మరియు భూమికి మంచి సారం ఇచ్చి దిగుబడి పెంచమని ఈ పండుగ జరుపుకుంటారు.

2) రామరావణుల యుద్ధము 10 రోజులు జరిగింది. ఆ యుద్ధము దసరా పండుగ మొదటి రోజున మొదలయి ఆఖరి రోజుకి రావణుని అంతంతో ముగిసింది. రాముడు రావణుడితో యుద్దసమయమున చండి యగము చేయగా ఆ యాగమునకు మెచ్చి దుర్గమ్మ రావణుని చంపు మార్గము సూచించింది. అట్లా రావణుడిని చంపి రాముడు తన వానర సేనతో అయొధ్యకి సీతసమేతుడై దసరా రోజున వచ్చాడు అని ఒక కధ

3) మహిశాసురుడు అనే రాక్షసుడు దున్నపొతు రూపంలో వుండేవాదు అతనికి ఉన్న బలముతో పరాక్రమముతో దేవతలను మానవులను అందరిని ఓడించాడు. బ్రహ్మవిష్ణుమహేస్వరులు కూడా అతని ముందు తలవంచక తప్పలేదు. అప్పుడు త్రిముర్తుల శక్తితో ఒక అందమైన 10 చేతులు కలిగిన శక్తిని తయారు చేసారు. ఆ శక్తికి సకల దేవతలు ఒక్కొక శక్తిని ఇచ్చి బలవంతురాలుగా చేసారు. ఆ శక్తి దుర్గమ్మగా అవతారము ఎత్తి సింహం వాహనంగా చేసుకొని మహిశాసురునితో భీకర పోరు చేసెను. ఆ సమరం 10 రోజులు సాగి చివరికి విజయదశమి రొజున ముగిసింది. దుర్గమ్మ గెలుపుని గుర్తుచేసుకుంటూ చెడు మీద మంచి విజయం సాధించిన రోజుగా ఈ పండుగను జరుపుకుంటారు.

4) పూర్వము దక్షుడను ఒక ప్రజాపతికి ఉమ అను కూతురు కలదు. ఆమె పరమశివుడిని తన భర్తగా తలచి నిష్ఠగా పూజలు చేస్తు వుండెను. ఆ పుజలకి మెచ్చి పరమశివుడు ఆమెను వివాహము చేసుకొనెను. అది దక్షునికి ఇష్టం లేని వివాహము. కొన్ని రోజుల తర్వాత దక్షుడు యగ్నం చేస్తూ అందరిని పిలిచి పరమశివునిమాత్రము పిలవకపోయెను. అంతట ఆగ్రహించిన ఉమదేవి భర్తకు జరిగిన అవమానము తాళలేక యగ్నగుండములో ప్రాణత్యాగము చేసెను. ఉమదేవి ఆత్మహత్య గురించి తెలుసు కున్న శివుడు ఆగ్రహముతొ తన జెటాజుటమునించి ఒక పాయతో వీరభధ్రుడిని సృష్తించెను. శివుడు ఉమదేవి శరీరమునిగైకొని భాదతో ప్రపంచవిహారము చేయసాగెను. అంతట విష్ణువు తన చక్రముతో ఉమదేవి శరీరముని చిన్నాభిన్నము చేసెను. ఆ ముక్కలు పడిన చోట్లనె మనము ఇప్పుడు శక్తి పీటాలుగా పూజిస్తున్నాము. ఆ తర్వాత కొంత కాలానికి ఉమదేవి పార్వతిగా జన్మించి పరమశివుని పెళ్ళాడెను. ఆ పిమ్మట విషునువు కోరిక మేర శివుదు దక్షుడిని క్షమించెను. పార్వతిదేవి ప్రతి సంవత్సరం దసరానాదు తన తండ్రైన హిమలయుని వద్దకు పిల్లథొ ఇష్టసఖులతో కలిసి వస్తుంది కావున ఈ ఉత్సవం జరుపుకొనెదరు.

విజయదశమి ఎలా జరుపుకుంటారు?

విజయదశమి పండుగ తొమ్మిది రోజులు జరుగును. ఈ రోజులలో కొన్నీ ప్రదేశాలలొ గుడిలో అమ్మవారిని వివిధ రూపాలలో అలంకరిస్తారు. ముఖ్యంగా విజయవాడ లోని దుర్గమ్మ అలంకారములు చూచుటకు రాష్ట్రమంతటి ప్రజలు వస్తారు. కోందరు భవాని మాల వెసుకొని విజయదసమి నాడు ఇరుముడి దించి మాలని ముగిస్తారు.

సామాన్యుల విషయానికి వస్తే దసరా రోజున పొద్దునే లేచి తలస్నానం చేసి దుర్గమ్మకి పూజ చేసి పిండివంటలతో కూడిన నైవెద్యం అమ్మవారికి పెడతారు. కొన్ని చోట్ల రాత్రికి గుడిలో సెమీపూజ జరుగుతుంది ఆ పుజా సమయములో జమ్మి చెట్టుకి ఈ పద్యము రాసిన చీటి పెట్టి ఏదన్నా కోరుకుంటే తప్పక జరుగుతుంది అని నమ్మకము. ఆ పద్యము:

"శమీ శమైతే పాపం శమీ శత్రువినాశనం

అర్జునస్య ధనుర్ధారి రామస్య ప్రియదర్శనం"

జాయ్ ఆఫ్ గివింగ్ వారోత్సవాలు

2009-09-23T09:47:00.000+05:30

అసలు ఈ జాయ్ ఆఫ్ గివింగ్ వారోత్సవాలు అంతే ఏమిటి?

దీని గురించి మనం తెలుసుకోవతనికి ముందు మనము కొన్ని నిజాలు తెలుసుకోవాలి. అవి ఏంటంటే.....

1) మన దేశంలో ఉన్న స్వచ్ఛంధ సేవా సంస్థలు 12 లక్షల పైచిలుకు.(ఇది ప్రభుత్వ లెక్క ఇంకా లెక్కలోనికి రానివి చాలా ఉండవచ్చును)
2) వాటిలో చాలా వాటికి సమాజ సేవ చేయటానికి ఎదుర్కునే ముఖ్యమైన సమస్యలు రెండు

నిధులు
మానవ వనరులు

పై విషయాలు తెలుసుకున్నాక మన మనసులో మెదిలే ప్రశ్న ఈ సమస్యలని ఆ సంస్థలు ఎలా ఎదుర్కుంటున్నాయి అని?

ఇలాంటి ప్రశ్నలకి పూర్తి సమాధానం కాకపొయినా తమ వంతు సమాధానంగా "గివ్ ఇండియా" వారు ఈ వారోత్సవాలను ప్రారంభించారు. ఈ వారోత్సవాలలో చాలా మంది ప్రముఖులు పాలుపంచుకుంటున్నారు. ఆ ప్రముఖులలొ కొంత మంది సచిన్, ద్రావిద్,నందన్ నీలకని, నారాయణ మూర్తి, అజీం ప్రేమజీ ఇలాగ చాలామంది ఉన్నారు.

అసలు ఈ వారోత్సవాలలో ఏమి చేస్తారు?

ఈ వారోత్సవాలలో స్వచ్ఛంధ సంస్థలు తమకు కావాల్సిన వనరుల కొరకు, తమ సంస్థ ఉనికిని చాటుకొనుటకు మరియు తమ సంస్థ ముఖ్యౌద్దేశములు సాధించటానికి కృషి చేస్తాయి

సాధారణ ప్రజలు చేయగలిగినది ఏమిటి?

ఈ కార్యక్రమముని విజయవంతము చేయుటలో ప్రజల సహకారము ఎంతో అవసరము. మీరు చేయవలసిందల్లా మీకు తోచినంత అది చిన్నదైన పెద్దదైన ఈ వారంలో మీకు తెలిసిన స్వచ్ఛందసేవాసంస్థలకు ఇవ్వండి. మీరు ఈ వారంలోనే ఇవ్వాలి అని నియమము ఏమి లేదు. ఈ వారము కేవలము ప్రజలలో సేవాతత్ప్రత పెంచటానికి మరియు ప్రజలని స్వచ్ఛందసేవా సంస్థలకు దగ్గర చేయటానికి ఉపయొగపదుతుంది అని వారి ఉద్దేశము.

ఈ కార్యక్రమము గురించి మరిన్ని వివరాలు నేను ఎలా తెలుసుకోవచ్చును?
దీని గురించి మరిన్ని వివరముల కొరకు దయచేసి ఈ లంకెను(అదేనండి లింకు) చూడగలరు http://www.joyofgivingweek.org/.

అన్ని చెప్పి అసలు ఈ వారోత్సవాలు ఎప్పుడు జరుగుతాయో రాయటం మర్చిపొయాను చూసారా నా మతిమరుపు ఈ వారోత్సవాలు ఈ సంవత్సరం సెప్టెంబర్ 27 నుంచి అక్టోబర్ 2 వరుకు జరుగుతాయి

ఇది మీకు తెలుసా?

2009-09-22T15:03:00.000+05:30

ఎప్పుడైనా చిన్న చిన్న కాలిన గాయాలు ఐతే "కోల్గేట్" రాసుకుంటే సెప్టిక్ కాకుండా తగ్గిపోతుంది
మొటిమలు తగ్గటానికి వాటి మీద తేనె రాసి "బాండైడ్" వేస్తే తగ్గిపోతాయి

నా కవితలు--3

2009-09-21T10:34:00.000+05:30

ఒక ప్రేమికుడు తన ప్రియురాలు(ఇంకా తను ప్రేమను ఒప్పుకోలేదు)కి రాసిన ప్రేమ కవిత (:))

చెలీ నీ అందెల సడి రేపెను నాలో అలజడి
సఖి నీ చుపుల వాడి రేపెను నాలో కోరికల వేడి
ప్రియా నీ మాటల గారడి రేపెను నాలో ఏదో హడావిడి
ప్రియతమా నీ చెప్పుల జోడి రేపెను నాలో తెలియని అలికిడి

శిరిష గారి వ్యాఖ్యల తరవాత మార్చబడిన కవిత

చెలీ నీ అందెల సడి రేపెను నాలో అలజడి
సఖి నీ చూపుల వాడి లేపెను నాలోని కోరికల వేడి
ప్రియా నీ మాటల గారడి చేసెను నాలో ఏదో హడావిడి
ప్రియతమా నీ చెప్పుల జోడి నింపెను నాలో తెలియని అలికిడి

రంజాన్ శుభాకాంక్షలు

2009-09-21T09:35:00.001+05:30

నా ముస్లిం సోదరులందరికీ రంజాన్ శుభాకాంక్షలు. ఈ సమయంలో రంజాన్ గురించి రెండు ముక్కలు చెప్పాలి అని నేను అనుకుంటున్నాను.

అసలు రంజాన్ అంటే ఏంటి?

రంజాన్ మహ్మదీయ కాలెండర్లోని తొమ్మిదవ నెలను రామదాన్ లేక పొతే రంజాన్ అంటారు.
ఆ నెలకు యెందుకు అంత ప్రత్యేకత?

ఈ నెలలోనే మహ్మదీయ పవిత్ర గ్రంధమైన "ఖురాన్" మొదటి పేజీలు విడుదల అయ్యాయి అని వారి నమ్మకం.

రంజాన్ ప్రార్ధనలు ప్రత్యేకత ఏమిటి?

రంజాన్ సమయంలో ముస్లిం సోదరులు వారు చేసిన తప్పులను క్షమించమని భవిష్యత్తులో తప్పులు కాకుండా తమకు జ్ఞానం ప్రసాదించమని భగవంతుడిని కోరుకుంటారు.

ఈ నెలలో వారు పాటించే నియమాలు ఏమిటి?

ఈ నెలలో వారు కటిక ఉపవాసం ఉందురు. ఈ నెలలో వారు ఉదయం మొత్తం వారి ఉమ్ముతో సహా ఏమి తినరు. సాయంత్రం వేళలలో ఏదికావాలి అంటే అది తినవచ్చును. ఈ ఉపవాస దీక్ష వల్ల వారిలో భగవంతుని మీద భక్తి పెరుగుతుంది మరియు ఇంద్రియాలను అదుపులో పెట్టుకోవటానికి ఊపకరిస్తుంది అని వారి నమ్మకము.
ఇఫ్తర్ విందు అనగానేమి?

ఇఫ్తర్ విందు అనగా సాయంసమయంలో ఉపవాస దీక్ష విరమించు వేళ చేసే విందు

నేను తీసిన చిత్రపటాలు

2009-09-17T11:36:00.001+05:30

జలపాతం--ఎత్తిపోతల

గులాబి పువ్వు

పువ్వు పైన తేనెటిగ

పువ్వు పైన సీతాకొకచిలుక

మీకు ఈ విషయం తెలుసా!!!!

2009-09-17T11:27:00.001+05:30

ఇప్పుడు అమ్ముతున్న స్వైన్‌ఫ్లు మాస్కులు కన్నా మీరు ఒక రుమాలు తీసుకొని దాని మీద డెటాల్ గానీ నీలగిరి నూనె కానీ వేసుకొని ముక్కుకి అడ్డు పెట్టుకుంటే స్వైన్‌ఫ్లు వచ్చే అవకశాలు తక్కువ!!!

నేను రాసిన కవిత-2

2009-09-17T11:18:00.001+05:30

వాన కవిత
చిరుగాలులలో సవ్వడి చెస్తూ చేరెను చినుకు
చినుకు జడతో మొదలయ్యే నాలో వొణుకు
ఎందుకో మదిలో రేగెను తెలియని బెణుకు
కనిపించలేదే ఆకశంలో తారల మిణుకు మిణుకు

నేను రాసిన కవిత-1

2009-09-16T12:31:00.001+05:30

చిరునవ్వుల చిరుజల్లులో నన్ను ముంచావు
చిరుమువ్వల జడితో అలజడిని రేపావు
ముద్దు ముద్దు మాటలతో మైమరిపించావు
కడకి కన్నీటి సౌధంలో నన్ను విడిచావు

నేను రాసిన కధ-1

2007-09-27T06:20:00.001+05:30

శాంతి--ది డేంజెర్

అది ఒక విశ్వవిద్యాలయపు పరిశోదనా కేంద్రము.

విక్కి మరియు అతని సహచరులు పింకీ,జాన్,సున్ని లకి అది చాలా కీలకమైన రోజు.

ఈ రోజే వాళ్ళు కొన్ని సంవత్సరలుగ వేచి చూస్తున్న రోజు.

విక్కి వాళ్ళ ప్రొజెక్ట్ లో చాలా కీలకమైన వస్తువు ని పరీక్షించల్సిన రోజు అందరి మొహాల లోను ఆందొళన కొట్టొచ్చినట్లు కనిపిస్తొంది. ఓక్క సారి విక్కి తన ప్రొజెక్ట్ ప్రారంభించిన రొజులని గుర్తు తెచ్చుకున్నాడు. తను ఈ ప్రొజెక్ట్ మొదలుపెట్టినప్పుడు తనని చూసి నవ్విన తన స్నేహితులు,ఉపాధ్యయులు ఇంకా అవమనాలు అన్ని గుర్తుకి వచ్చాయి.

వాళ్ళకి సమాదానంగా విక్కి చెప్పిన మాటలు గుర్తుకు వచ్చాయి

"మనిషి తన తెలివితో ఒక ఇనుప ఆకారాన్ని మనిషి లాగ ప్రవర్తింపచెయగలిగినప్పుడు అదె మనిషి ప్రాణమున్న మనిషి లాగ బ్రతకలేని మానసిక వికలాంగులని ఎందుకు మామూలు మనిషి గ చెయలేడు?"

ఈ ప్రశ్నకి జవాబు చెప్పడానికే తన ఈ ప్రయత్నం దానికి ముద్దుగ తను పెట్టుకున్న పేరే "శాంతి". ఏందరో మనసిక వికలాంగుల జీవితాలలో శాంతిని నింపాలానదే తన ప్రయత్నం

ఈ ప్రయత్నంలో తనకి తోడుగా ఇంకో ముగ్గురుకావాలి తనకి వాళ్ళని పోగుచేయటానికి మూడు నెలలు పట్టింది. ఏవరికి తన ఆలోచన చెప్పినా వల్లు నవ్వుతున్నారేగాని తన ప్రొజెక్ట్ లొ పని చెయటానికి ఒప్పుకోవట్లెదు...

సామెతలు-2

2007-08-31T04:37:00.002+05:30

అంగట్లో అన్ని వున్నా అల్లుడి నోట్లొ శని వున్నట్లు

కుక్క కాటుకి చెప్పు దెబ్బ ( చాలా ప్రసిద్ధిగాంచిన సామెత)

శుభమా అని పెళ్ళి జరుగుతుంటే పెళ్ళికూతురు ముండ ఏది అన్నాడు అంట ఒకడు

తెలుగు సామెతలు

2007-08-04T02:34:00.001+05:30

నా మొదటి సామెత

నేను సామెతలు రాస్తాను అని చదివిన వెంటనే మీ మదిలొ మెదిలె

" యెంకి పెళ్ళి సుబ్బి చావుకి వచ్చింది"
" ఇల్లు అలకగానే పండగ అవ్వదు"
" అమ్మ పెట్టాపెట్టదు అడుక్కు తినానివ్వదు"

త్వరలో మీతో పంచుకోవాలని అనుకుంటున్నవి

2007-07-28T01:48:00.001+05:30

కొంచెం గుండెదిటువు చేసుకొని చూడమని విజ్ఞప్తి.....

--> నేను రాసిన మొదటి కధ
సినిమా తీయాలని ఒక ఆలోచన

--> నేను రాయబోతున్న కవితలు
ఇప్పటివరకైతే ఒక్కటి కూడా రాయలేదు. మీ మీదే ప్రయొగం చేయబోతున్న
--> నాకు నచ్చిన చిత్రపటాలు
అదేనండి వాలు పేపరులు
--> నాకు నచ్చిన సినిమాలు
ఎక్కువ లేవులేండి
--> నేను తీసిన చిత్రపటాలు
--> చివరిగ నాకు అప్పుడప్పుడు తెలిసే చిన్నాచితక చిట్కాలు

నా గొడవ

2007-07-27T01:28:00.001+05:30

నా గురించి చెప్పాలంటే చాలానే చెప్పొచు కాని నాకు సొంత డబ్బా ఇష్టం లేదు కాబట్టి కొంచెం చెప్తా

నా పేరు : ఫణి కుమార్

నేను చదివింది: బి.టెక్

చేసెది : ఒక software కంపెని లో ఊడిగం

నా తీరిక సమయాలలో నేను చెసే పనులు: కధలు అల్లడం,ప్రోగ్రాములు చెయడం
(అదెనండి చాలా మంది హొబీస్ అంటారు)

తెలుగులో రాయడం ఏలా?

2007-07-27T01:20:00.001+05:30

మీరు తెలుగులో రాయడానికి వీవెన్‌ వారు చక్కని సైట్ ని మనకి అందించారు దాని పేరే http:\\lekhini.org